Президент Шавкат Мирзиёев Америка Қўшма Штатларининг собиқ президенти Дональд Трамп Пенсильвания штатида сайловолди учрашувда нутқ сўзлаётган чоғида унинг ҳаётига суиқасд уюштирилгани ҳақидаги хабарни чуқур хавотир билан қабул қилди.
Давлат раҳбари матбуот хизматининг хабарига кўра, прездиент ушбу зўравонлик ҳаракатини кескин қоралайди ва Дональд Трампга тез фурсатда соғайиб кетишини тилайди.
Эслатиб ўтамиз, 14 июль куни Пенсильвания штати Батлер округидаги сайловчилар олдида сўзга чиққан Дональд Трамп нутқи бошланганидан беш дақиқа ўтиб ўнг қулоғига теккан ўқдан жароҳатланган.
Трампнинг матбуот котиби Стивен Чунг унинг аҳволи «яхши»лиги ҳақида маълумот берган. Трампга ўқ узган шахс, шунингдек, митинг иштирокчиларидан бири ҳалок бўлган, яна бир кузатувчи оғир яраланган.
