Ўзбекистонда ипотека кредитлари бозори қисқармоқда, дейилади Марказий банк таҳлилида.
2024 йилнинг январь-июнь ойларида жами 6,88 триллион сўм ипотека кредитлари ажратилди, бу ўтган йилнинг биринчи ярмидаги кўрсаткич — 7 триллион сўмдан 124,5 миллиард сўмга ёки 1,77 фоизга кам.
Ипотека кредити олувчилар сони ҳам 31 699 тадан 26 201 тага камайди. Шу билан бирга, ўртача кредит суммаси 221 млн сўмдан 262,7 млн сўмга ёки 18,9 фоизга ошган.
Банклар ўз маблағлари ҳисобидан кўпроқ ипотека кредитлари ажратишни бошлади. Жараён 2,03 трлн сўмдан 2,36 трлн сўмгача ўсди, бироқ давлат дастури доирасида ажратилган ҳажмлар (3,89 трлн сўмдан 3,67 трлн сўмга) ва ипотека кредитларини қайта молиялаштириш учун компания маблағлари ҳисобидан камайди (1,09 трлн сўмдан 847,1 млрд сўмгача).
Давлат дастури бўйича ипотека фоиз ставкаси ўзгармади — 17,9 фоиз, бироқ банклар ўз кредитлари бўйича ставкаларни 24,3 фоиздан 25,1 фоизга оширди.
Ўрта ёшдаги (31−50 ёш) ва кекса (50 ёшдан ошган), шунингдек, аёллар (уларнинг улуши 36 фоиздан 35 фоизга камайди) ўртасида ипотека кредитлари сони кескин камайгани эътиборга молик.
Янги бинода уй-жой сотиб олиш учун ипотека кредитлари ҳажми 3,99 трлн сўмдан 3,87 трлн сўмга қисқарди, иккинчи даражали уй-жойлар учун эса бирмунча ошди — 2,7 млрд сўм.
Аввалроқ Иқтисодий тадқиқотлар ва ислоҳотлар маркази йил бошидан буён Ўзбекистон уй-жой бозорида савдолар сони 5,7 фоизга камайгани ҳақида хабар берганди. Нархларнинг ўсиш суръати секинлаша бошлаган ва ўтган ойда атиги 0,3 фоизга ошган, Тошкентда эса ҳар квадрат метр учун 1142 долларгача — 1,1 фоизга пасайган.
