Сиёсат
ЙҲХХ бошлиғи Олим Саидов лавозимидан озод этилди
2019 йилнинг ноябрь ойидан бери Йўл ҳаракати хавфсизлиги хизматини бошқариб келган Олим Саидов эгаллаб турган лавозимидан озод этилди. Унинг ўрнини Шерзод Ибрагимов эгаллади.
Қирғизистон президенти Ўзбекистонга ташрифини бошлади (фото)
Ўзбекистонга икки кунлик давлат ташрифи билан келган Қирғизистон президенти ва унинг рафиқасини Тошкент халқаро аэропортида Шавкат Мирзиёев ва унинг рафиқаси кутиб олди. Фото.
Шавкат Мирзиёев Эроннинг янги президенти Масъуд Пезешкиён билан суҳбатлашди
Шавкат Мирзиёев ва Эроннинг янги президенти Масъуд Пезешкиён телефон орқали мулоқотда Ўзбекистон-Эрон муносабатларини ривожлантириш, аввал эришилган келишувларни амалга ошириш, шунингдек, минтақа кун тартибидаги масалаларни муҳокама қилди.
ЕИнинг Ўзбекистондаги элчиси дипломатик миссиясини якунлади
2021 йил мартидан буён Европа Иттифоқининг Ўзбекистондаги элчиси лавозимида ишлаб келган Шарлотта Адриан дипломатик миссиясини якунлади.
Шавкат Мирзиёев: «Бизга кучли ва фаровон қўшни — Қирғизистон керак»
Садир Жапаров билан бўлган тор ва кенгайтирилган доирадаги учрашувларда Шавкат Мирзиёев Ўзбекистонга кучли ва фаровон қўшни — Қирғизистон кераклигини таъкидлади. Жапаров эса Ўзбекистон билан кўп қиррали ҳамкорликни мустаҳкамлаш Қирғизистон ташқи сиёсатининг устувор йўналиши эканини айтди.
Ўзбекистон ва Қирғизистон ўртасида 16 та ҳужжат имзоланди
Садир Жапаровнинг Тошкентга ташрифи доирасида 16 та ҳужжат имзоланди. Ўзбекистоннинг ЖСТга аъзолиги бўйича икки томонлама музокараларни якунлаш тўғрисида баённома, Иссиқкўлдаги курорт-ҳордиқ хўжалиги объектлари бўйича ҳукуматлараро битим шулар жумласидан.
Иқтисодиёт
Янги Тошкент қандай бўлади? Бош архитектор билан катта суҳбат
Янги Тошкент — замонавий Ўзбекистоннинг бош шаҳарсозлик лойиҳаси ҳисобланади. Унинг чегаралари қаердан ўтади, архитектура, экология, энергетика ва транспорт тизимлари қандай бўлади — Янги Тошкент бош архитектори Саидазим Шарипов билан катта интервью айнан шулар ҳақида.
Сирдарё вилояти Автомобиль йўллари бошқармасининг 37 млрд сўмлик давлат харидларида қонун бузилиши ҳолатлари аниқланди
Автомобиль йўллари қўмитасининг Сирдарё вилояти бошқармаси тизим ташкилотларининг 37 млрд сўмлик давлат харидларида қонун бузилиши ҳолатлари аниқланди. Ҳолат юзасидан тегишли тартибда иш қўзғатилган.
Тадбиркор лимитдан 10 фоиз ошиб кетилган тақдирда, 2 баравар тўланадиган тарифни бекор қилишни сўради
Озиқ-овқат маҳсулоти ишлаб чиқарувчи тадбиркор юридик шахслар учун лимит 10 фоиздан ошиб кетганда, электр энергияси учун тўланадиган икки бараварли тарифни бекор қилишни сўради. Унинг фикрича, «Энергетика вазирлиги тизимдаги айбини тадбиркорлар ҳисобига ёпмоқчи».
Қирғизистонда Cobalt, Onix ва Tracker автомобилларини ишлаб чиқариш бошланди
Қирғизистоннинг Чуй вилоятида Ўзбекистон ҳамкорлигида Cobalt, Onix ва Tracker автомобилларини ишлаб чиқариш заводи ишга тушди. Шавкат Мирзиёев ва Садир Жапаров шу ва бошқа қўшма лойиҳаларни ишга тушириш маросимида иштирок этди.
Жамият
Автомобиль рақамлари тасодифий танлаш йўли билан берилади
Ўзбекистонда 1 августдан автомобилларга давлат рақамлари тасодифий тарзда берилади. 1 декабрдан эса автомобилни рўйхатдан ўтказиш ва давлат рақамини олиш учун аризаларни ЙҲХХ ёки Ягона интерактив давлат хизматлари портали мобил иловаси орқали юбориш ва тўловни ўша ерда амалга ошириш мумкин.
2024 йилнинг илк 6 ойида жавобгарликка тортилган мансабдорлар сони 34 фоизга ошди
2024 йилнинг биринчи ярмида 2389 нафар мансабдор жиноий жавобгарликка тортилди (+34,4%). Улар, асосан, ўзлаштириш, талон-торож қилиш, фирибгарлик ва пора олди-бердиси билан боғлиқ жиноятларга қўл урган.
Москвадан Самарқандга учган самолётда портловчи модда борлигини айтган маст йўловчига иш очилди
Москва шаҳридан Самарқандга учган маст ҳолдаги йўловчи ёлғондан самолётда портловчи модда борлигини айтгани маълум бўлди. Унга нисбатан иш очилди.
Тошкентдаги Америка технология университети 2024/2025 ўқув йилидан иш бошлайди
Шу йилдан Аризона давлат университети билан ҳамкорликда ташкил этилган Тошкентдаги Америка технология университети талабаларни қабул қила бошлайди. Унга тўлиқ академик мустақиллик берилади. Олийгоҳ нафақат ушбу университетнинг, балки АҚШда тан олинган бошқа хорижий ОТМларнинг ҳам дипломини беради.
Самарқандда Isuzu автобуси уриб юборган пиёда вафот этди
Каттақўрғон туманида Isuzu йўлнинг белгиланмаган қисмидан ўтаётган пиёдани уриб юборди. Жабрланувчи кўрсатилган тиббий муолажаларга қарамасдан шифохонада вафот этди.
Электросамокатлар тротуарларда 10 км/соатдан юқори тезликда ҳаракатланиши тақиқланди
Ўзбекистонда Йўл ҳаракати қоидаларига индивидуал ҳаракатланиш воситалари (ИҲВ), жумладан, электросамокатлар ҳаракатини тартибга солувчи ўзгартиришлар киритилди. ИҲВ тротуарларда 10 км/соатгача (6 км/соатгача бўлиши таклиф қилинган эди), автомобиль йўлида 20 км/соат тезликда юришига рухсат берилди.
Тошкентдаги Содиқ Азимов кўчасининг бир қисмини гастрономик қилиш режалаштирилмоқда
Тошкент шаҳридаги Содиқ Азимов кўчасининг бир қисмини ҳам 24 соатлик гастрономик кўчага айлантириш режа қилинмоқда. Аввалроқ Тарас Шевченко кўчасини гастрономик кўчага айлантириш режалаштирилганди.
Скутер, мопед ва тез ёрдам машиналари учун алоҳида давлат рақами белгилари жорий этилмоқда
Ўзбекистонда тез тиббий ёрдам автомобиллари, электромотоцикллар, мопедлар ва скутерлар учун алоҳида давлат рақами белгилари жорий этилмоқда.
Августдан Тошкент-Бухоро йўналишида қўшимча поезд қатнайди
23 августдан бошлаб Тошкент-Бухоро йўналишида ҳафтада уч кун қўшимча «Афросиёб» поезди қатнови йўлга қўйилади.
Спорт
Ўзбекистон терма жамоаси ФИФА рейтингида 61-ўринга чиқди
Футбол бўйича Ўзбекистон миллий терма жамоаси ҳеч қандай ўйин ўтказмасдан ФИФА рейтингида 1 поғона юқорилаб, 61-ўринни эгаллади. Парагвай очко йўқотиб, рейтингда пастлагани бунга сабаб бўлди.
Жаҳон
Жо Байден яна коронавирусга чалинди
АҚШ президенти Жо Байден учинчи марта COVID-19 билан касалланди. Касаллик енгил кечмоқда ва у ўзини изоляциялаган ҳолда ишлайди, дея таъкидлади Оқ уй.
Бизни ўқиётганингиз учун раҳмат!
