Morris Garages — 1924 йилда ташкил этилган Британия автомобиль бренди. Спорт роадстерлари билан танилган компания бир неча бор тезлик рекордларини ўрнатган ва тезда буюк Британияда ҳам, хорижда ҳам машҳурликка эришган. Бренднинг бир асрлик тарихи давомида 40 дан ортиқ моделлар ишлаб чиқарилган.
2007 йилда Хитойнинг SAIC гуруҳига қўшилганидан сўнг, компания халқаро майдонда ривожланишда давом этди. Британия тажрибаси ва Хитой инновацияларининг синергияси туфайли Morris Garages катта муваффақиятларга эришди. Шундай қилиб, 2023 йилда SAIC етти миллиондан ортиқ автомобиль сотди, улардан бир миллиони MG эди, бу брендга қизиқиш ортиб бораётганини тасдиқлайди.
Тошкентда бир нечта расмий дилерлик марказларини очиш, Самарқанд, Наманган ва бошқа шаҳарларда тармоқни янада кенгайтириш режалаштирилган. Ўзбекистондаги эксклюзив дистрибьютор Machinery Motors Investment Group шу йилнинг кузида сотувларни бошлашга тайёрланмоқда. Ишга туширишда тўртта модель тақдим этилади:
- MG ZS ихчам кроссовери;
- ўрта ўлчамдаги MG HS кроссовери;
- MG 7 спорт лифтбеки;
- Cyberster электр родстери.
Келажакда MG4 EV электр хэтчбекини сотиш ҳам режалаштирилган.
«Бизда 2024 ва 2025 йиллар учун савдо ҳажми ва дилерлар сони бўйича улкан режалар мавжуд. Шу сабабли биз салонларни очиш учун янги ҳамкорлар билан ҳамкорлик қилишга тайёрмиз, айниқса Тошкентдан ташқарида», — деди дистрибюторнинг бош директори Константин Валиховский.
Ўзбекистондаги расмий дилерлар томонидан тақдим этилаётган барча автомобиллар ишлаб чиқарувчининг — қайси бири биринчи бўлишига қараб — беш йиллик ёки 150 000 километрлик кафолатига эга бўлади. Барча дилерлик марказлари ишлаб чиқарувчининг стандартларига мувофиқ хизмат кўрсатиш учун хизмат кўрсатиш станциялари билан жиҳозланади.
SAIC ишлаб чиқарувчиси вакили Ўзбекистонда маркани ривожлантириш режалари ҳақида шундай деди: «Биз Ўзбекистон автомобиль бозорининг келгусида ўсишига ишонамиз. Бизнинг режаларимиз бу ерда узоқ муддатга қолишни ўз ичига олади. Яқин келажакда автомобиль ишлаб чиқаришни очиш имкониятини ҳам кўриб чиқяпмиз. Ишончимиз комилки, мижозлар автомобилларимиз сифати ва дизайнини, шунингдек, хизмат кўрсатишнинг сифат жиҳатидан янги даражасини юқори баҳолайдилар».
Ҳозирда автомобиллар Ўзбекистонда сертификатлашдан ўтмоқда. Моделларнинг техник хусусиятлари ва нархлари ҳақида батафсил маълумот сотиш бошланишига яқинроқ муддатда эълон қилинади.
Сайт: mg-motor.uz
Facebook: fb.com/mgmotoruzbekistan
Instagram: @mgmotoruzbekistan
Telegram: t.me/mg_motor_uz
Реклама ҳуқуқлари асосида.
