Сиёсат
Германиянинг Ўзбекистондаги янги элчиси тайинланди
Ўзбекистон ташқи ишлар вазири Бахтиёр Саидов Германиянинг янги тайинланган элчиси Манфред Ҳутерердан ишонч ёрлиқлари нусхаларини қабул қилди.
Иқтисодиёт
Ўзбекистоннинг янги туризм бренди яратилади
Ўзбекистон учун янги миллий туризм бренди яратилади. Бунинг учун танлов октябргача ўтказилиши керак. Ҳозирги бренд 2013 йилда рўйхатга олинганди.
Туризм соҳаси тадбиркорлари импорт қиладиган автобус ва микроавтобуслар божхона божидан озод этилади
Ўзбекистонда 2025 йил 1 августгача туризм соҳасидаги тадбиркорлар томонидан импорт қилинадиган автобус ва микроавтобуслар божхона божидан озод этилади. Шунингдек, фаолият бошлаганига 3 йилдан кўп бўлмаган туроператорларнинг халқаро туризм кўргазмаларидаги павильон ижарасининг 50 фоизи қопланади.
Барча авиа, темирйўл ва автобус чипталарини олиш имконини берадиган ягона платформа ишга туширилади
1 декабргача Ўзбекистондаги барча авиа, темирйўл ва автобус қатновлари ҳақида маълумот ва чипта олиш имконини берадиган ягона онлайн платформа ишга туширилади. Авиа, темирйўл ва автобус чипталарини табақалаштирилган нархларда камида 6 ой олдин савдога чиқариш тизимини жорий қилинади.
Рақобат қўмитаси 1,4 млрд сўмлик тендер юзасидан Маънавият марказига қарши иш қўзғатди
Маънавият ва маърифат маркази ўтказган бошланғич суммаси 1,4 млрд сўмлик тендерда қонун бузилиши аломатлари аниқланди, деб хабар қилди Рақобат қўмитаси. Ташкилотга нисбатан иш қўзғатилди.
Жамият
Депутатлар инфоқаллобларга қарши курашиш бўйича қонун қабул қилди
Ўзбекистон депутатлари алдов йўли билан пул ишлаб олмоқчи бўлган «сохта тренер ва лекторлар»нинг маърузалари кўпайгани сабабли маърифий фаолиятни тартибга солиш бўйича қонун қабул қилди. Депутатнинг айтишича, бундай тадбирлар, жумладан, кўпхотинлилик, жинсий камситиш ва феминизмни тарғиб қилади.
Профессор Абдулахат Қаҳҳоров Тошкентдаги хонадонида ўлдириб кетилди
Профессор, социология фанлари доктори Абдулахат Қаҳҳоров Тошкентдаги хонадонидан ўлик ҳолда топилди. Бош прокуратура гумонланувчи қўлга олинганини маълум қилди ва қасддан одам ўлдириш моддаси бўйича жиноий иш қўзғатилди.
Тегишли малакага эга бўлмай туриб психологик ёрдам кўрсатганлик учун жавобгарлик белгиланмоқда
Ўзбекистонда психологик ёрдам кўрсатиш фаолияти билан шуғулланишдан аввал психология мутахассислиги учун қайта тайёрловдан ўтиш кераклиги белгиланмоқда. Психологик ёрдам кўрсатиш ҳуқуқига эга бўлмаган шахс томонидан ушбу фаолият билан шуғулланганлик учун жавобгарлик белгиланмоқда.
Мудофаа вазирлиги қўшинлари зирҳли «Арслон» транспортёри ва «Тарлон» машинасини синовдан ўтказмоқда
Мудофаа вазирлиги маҳаллий ишлаб чиқарувчининг зирҳли «Арслон» транспортёри ва «Тарлон» машинасини синовдан ўтказмоқда. Улар тез орада мамлакат қўшинларига етказилади. Транспортёр юқори аниқликда ўт очишга мўлжалланган, «Тарлон» эса экипаж ва қўшинларни ўқотар қуроллардан ҳимоя қилади. (фото, видео)
Самарқандда Сўғд маданиятига оид ибодатхона ва ноёб деворий суратлар топилди. Фото
Самарқанд археология институти ходимлари Ургутдаги Қўрғонтепа ёдгорлигидан VII-VIII асрларга оид ибодатхона ўрни ва деворий суратларни топди. Ҳозирда қазув ишлари давом этмоқда. Деворий суратларни сақлаш ва нусха кўчириш ишлари бошланди.
Тошкентда яна бир қиз салбий изоҳ ёзган вилоятликларни ҳақорат қилгани учун 10 суткага қамалди
Тошкент вилоятида 19 ёшли қиз Instagram’да салбий фикр билдирган кузатувчиларига жавоб тариқасида беҳаё сўзлар билан вилоятликларни ҳақорат қилди. Суд унга 10 сутка маъмурий қамоқ жазоси тайинлади. Бу июль ойининг ўзида вилоятликларни ҳақорат қилганларга чора кўриш билан боғлиқ 3-ҳолатдир.
Пойтахт ҳокимлиги Кулолчилик боғи концепциясини ишлаб чиқиш бўйича сўровнома ўтказмоқда
Пойтахт ҳокимлиги ва «Тошкент инвест» компанияси шаҳар аҳолисини Миробод туманидаги Кулолчилик боғи концепциясини ишлаб чиқиш бўйича сўровномада иштирок этишга чақирди.
Самарқандда қурилиш компанияси 31 туп дарахтни кесиб ташлагани аниқланди
Самарқанд шаҳридаги боғчада қўшимча бино қуриш вақтида 30 туп қимматбаҳо, 1 туп кам қимматли дарахтни кесиб ташлаган корхона табиатга 260 млн сўм зарар етказгани маълум бўлди. Тегишли ҳужжатлар ҳуқуқни муҳофаза қилувчи органларга юборилди.
Жаҳон
Бой мамлакатлар мигрантларни тобора камроқ хоҳлаяпти — Economist
Бой давлатлар муҳожирлар сони ортиб бораётганига қарши «қўзғолон кўтариб», миграция сиёсатини кучайтирмоқда. Бу эса ўз натижаларини бермоқда — миграция буми ниҳоясига етаётгандек, аммо бундай чоралар иқтисодиётга катта зарар етказиши мумкин, деб ёзди The Economist.
Камала Ҳаррисни президентликка номзодлик учун етарлича демократ қўллаб-қувватлайди
АҚШ вице-президенти Камала Ҳаррисни Демократик партиядан президентликка номзод бўлиш учун етарлича делегат қўллаб-қувватлайди, деб ҳисоблайди AP. Расмий овоз бериш август ойида бўлиб ўтади. CNN маълумотларига кўра, муваффақиятли стартга қарамай, Ҳаррисни «анча қийинроқ муаммолар» кутиб турибди.
Бизни ўқиётганингиз учун раҳмат!
