28 июль куни Ўзбекистон терма жамоаси Париж олимпиадасида илк олтин медални қўлга киритди. Унга дзюдо баҳсларида -52 кг вазн тоифасида финалгача етиб келган Диёра Келдиёрова муаллифлик қилди. У биринчилик учун баҳсда Токио-2020 ўйинларида -48 кг вазн тоифасида олтин медаль эгаси косоволик Дистрия Красникага қарши татамига чиқди.
Учрашувнинг иккинчи дақиқасида Келдиёрованинг вазари ҳисобига олган 1 очкоси баҳсга якун ясади. Шунинг билан ўзбекистонлик Диёра Париж олимпиадасида дзюдо беллашувларининг -52 кг вазн тоифасидаги чемпионига айланди. Бундан ташқари, у дзюдо бўйича Олимпиада мусобақаларида Ўзбекистон тарихидаги илк совриндор аёл спортчи бўлди.
Келдиёрова ярим финалда мезбон спортчи франциялик Амандин Бюшардни мағлуб этганди. Нимчорак финалда эса япониялик Ута Абени енгиб, рақибини турнирдан чиқариб юборди.
-52 кг вазн тоифасидаги совриндорлар:
1-ўрин: Диёра Келдиёрова (Ўзбекистон)
2-ўрин: Дистриа Красника (Косово)
3-ўрин: Амандин Бюшард (Франция)
