29 июль, душанба куни Париждаги ёзги Олимпия ўйинларида Ўзбекистон терма жамоаси 5 та спорт тури бўйича баҳсларга киришади. «Газета.uz» кун тақвими ҳақида маълумот беради.
Дастлаб, Тошкент вақти билан соат 13:00 да дзюдочилар Муроджон Йўлдошев ва Шукуржон Аминова мусобақага тушади. Сўнгра қиличбозлик бўйича Зайнаб Дайибекова, сузишда Иля Сибирсев ҳамда академик эшкак эшишда Шаҳзод Нурматов ва Собир Сафаралиевлар беллашади. Шунингдек, боксчилар Руслан Абдуллаев ва Баҳодир Жалоловни ҳам жанглар кутмоқда.
Қуйида 29 июль куни иштирок этадиган спортчилар рўйхати:
Дзюдо
-73 кг: Муроджон Йўлдошев (Ўзбекистон) — Данияр Шамшаев (Қозоғистон) — 13:00.
-57 кг: Шукуржон Аминова (Ўзбекистон) — Дабонне Зулейҳа Абзетта (Кот-д'Ивуар) — 13:00.
Академик эшкак эшиш
Енгил вазнли жуфтлик: Шаҳзод Нурматов ва Собир Сафаралиев — 13:40.
Қиличбозлик
Зайнаб Дайибекова (Ўзбекистон) — Йун Жису (Жанубий Корея) — 13:50.
Сузиш
800 метрга эркин усулда: Иля Сибирсев — 14:30.
Бокс
-63,5 кг: Руслан Абдуллаев (Ўзбекистон) — Мартинез Рамирез Мигел Анхел (Мексика) — 15:05.
+92 кг: Баҳодир Жалолов (Ўзбекистон) — Шиха Умар (Норвегия) — 20:05.
