1 август — Париж Олимпиадасининг 6-кунида Ўзбекистон терма жамоаси академик эшкак эшиш, дзюдо ва бокс спорт турларида ўз кучини синаб кўрди. Хусусан, дзюдочилар Музаффарбек Тўрабоев (-100 кг) Париж-2024 Олимпиадасининг бронза медалини қўлга киритди. У бронза учун жангда икки карра жаҳон чемпиони, асли грузиялик бўлган Испания шарафини ҳимоя қилаётган дзюдочи Николоз Шеразадишвилини мағлуб этди (10:0). Музаффарбек ғалабани кўзёшлар билан нишонлади ва мураббийга миннатдорчилик билдирди.
Пайшанба кунги дастурларда иштирок этган бошқа спортчилар учун Париж Олимпиадаси эртароқ якун топди.
Хусусан, академик эшкак эшувчи Анна Пракатень ярим финал баҳсининг 1-гуруҳда 4-бўлиб маррага етиб келди. Ушбу натижа билан Пракатен Б финалида қатнашадиган bo’ldi. Бу унга медаллар учун курашиш имкониятини бермайди.
Дзюдочи Ирисхон Қурбонбоева (-78 кг) чорак финал йўлида япониялик Рика Такаяма билан беллашди. Афсуски, баҳс кунчиқар юрт вакилининг ғалабаси билан ниҳоясига етди.Шундан сўнг, ўзбекистонлик дзюдочи қизлар яккалик беллашувларидаги иштирокларини якунлашди.
Бокс натижалари:
66 кг: Навбаҳор Ҳамидова чорак финалга йўл олди. У АҚШ вакили Морелле Маккенега қарши рингга кўтарилиб, ажойиб ғалабага эришди ва чорак финалга йўл олди. Энди у ярим финал йўлланмаси учун 3 август куни жанг қилади.
-50 кг: Сабина Бобоқулова Олимпия ўйинларида дебют қилди. У аиландлик Чутхамат Раксат билан жанг қилиб, имкониятни бой берди ва шу нуқтада Олимпиададаги иштирокини тўхтатди.
63,5 кг: Руслан Абдуллаев ҳам Париж-2024 ёзги Олимпия ўйинларидаги иштирокини якунлади. Чорак финалда канадалик Уайт Стенфорд билан жанг қилган Абдуллаев имкониятни бой бериб, Олимпиададаги иштирокини тугатди. Руслан нимчорак финалда мексикалик Мигель Рамиресни 5:0 ҳисобида мағлуб этганди.
