5 август куни ижтимоий тармоқларда Андижон туманида юк машинаси кўприкка урилгани акс этган видео тарқалди.
Андижон вилояти Ички ишлар бошқармасининг маълум қилишича, ҳодиса ўша куни соат 04:00 атрофида туманнинг Саноат маҳалласидан ўтган 4Р-116 автомобиль йўлида содир бўлган.
22 ёшли А.С. Howo юк автомашинасини бошқариб келаётиб, ухлаб қолган. Сўнгра темирйўл кўпригига бориб урилган. Оқибатда юк машина ҳамда кўприк зарарланган. Тан жароҳати олган фуқаролар бўлмаган, дейилади хабарда.
Ҳолат юзасидан туман Йўл ҳаракати хавфсизлиги гуруҳи ходимлари томонидан дастлабки суриштирув ишлари бошланган.
