Тошкент шаҳри Чилонзор туманида валюта айирбошлаш билан шуғулланиб келган шахсдан йирик миқдордаги пул мусодара қилинди, деб хабар беради Иқтисодий жиноятларга қарши курашиш департаменти.
Департаментнинг туман бўлими томонидан тезкор тадбир ўтказилган. Унда валюта айирбошлаш билан шуғулланиб келган М.А. (муқаддам судланган) ўз уйида навбатдаги мижоз И.А.га 5 502 долларни 69,6 миллион сўмга сотган вақтида ушланган.
Ундан валюта қимматликларини олиш ва ўтказишда фойдаланиб келинган жами 239 356 доллар ва 482 миллион сўм пул ашёвий далил сифатида олинган.
Ҳолат юзасидан Жиноят кодексининг 177-моддаси (Валюта қимматликларини қонунга хилоф равишда олиш ёки ўтказиш) билан жиноят иши қўзғатилди. Тергов ҳаракатлари ўтказилмоқда.
