Сиёсат
«Марказий Осиёнинг бугуни ва келажаги умумий саъй-ҳаракатларимизга боғлиқ» — Шавкат Мирзиёев
«Украина ва Яқин Шарқдаги воқеалар минтақанинг барқарор ривожланишига таъсир кўрсатяпти», — деди Шавкат Мирзиёев МО давлатлари раҳбарлари саммитида. Унинг айтишича, Марказий Осиёнинг «бугуни ва келажаги умумий саъй-ҳаракатлар ва минтақа манфаатларини биргаликда илгари суриш»га тайёрликка боғлиқ.
Япония бош вазири мамлакатдаги кучли зилзила хавфи туфайли Ўзбекистонга ташрифини бекор қилди
Япония бош вазири Фумио Кисида 9−12 август кунлари Қозоғистон, Ўзбекистон ва Мўғулистонга режалаштирилган сафарини мамлакатда содир бўлиши мумкин бўлган кучли зилзила туфайли бекор қилди. Ташриф арафасида Тошкент кўчаларида Ўзбекистон ва Япония байроқлари осиб чиқилганди.
Шавкат Мирзиёев Марказий Осиё давлатлари раҳбарларининг Фахрий нишони билан тақдирланди
Ўзбекистон президенти Шавкат Мирзиёев Марказий Осиё давлатлари раҳбарларининг Фахрий нишони билан тақдирланди. Бу давлат раҳбарига минтақа давлатлари ўртасидаги дўстлик, қўшничилик ва ўзаро англашувни ривожлантиришдаги алоҳида хизматлари учун берилди.
Президент Ўзбекистонга ташрифи кейинга қолдирилган Япония бош вазири билан қўнғироқлашди
Шавкат Мирзиёев Япония бош вазири Фумио Кишида билан телефон орқали мулоқот қилди. У мамлакатда кутилаётган цунами юзасидан хавотир билдирди ва Япония бош вазирининг Ўзбекистонга ташрифини кечиктириш қарорини «тўлиқ тушунишини» билдирди.
Шавкат Мирзиёев Марказий Осиё бўйича миллий ID карталарни ўзаро тан олишни таклиф қилди. Бошқа таклифлар
Марказий Осиё таълим ва академик алмашув дастурини қабул қилиш, миллий ID карталарни ўзаро тан олиш, Хавфсизлик ва барқарорликни таъминлаш концепциясини ишлаб чиқиш, Стратегик шериклик ва ҳамкорлик тўғрисида кўп томонлама битим имзолаш — Шавкат Мирзиёев Остонадаги учрашувда нималарни таклиф қилди?
«Оғир геосиёсий ва иқтисодий шароитда ҳамкорликнинг юқори динамикасини сақлаб қолиш ниҳоятда муҳим» — Қозоғистон президенти
Қозоғистон президенти МО давлатлари раҳбарлари учрашувида инфратузилма ва транспорт лойиҳалари иқтисодий ўсишнинг янги нуқталари бўлишини таъкидлади. У Транскаспий йўлаги ва Трансафғон темирйўлининг истиқболлари, сув ҳисобини рақамлаштириш ва унинг космик мониторингини жорий этиш ҳақида гапирди.
МО давлатлари раҳбарлари 2040 йилгача минтақавий ҳамкорликни ривожлантириш концепциясини имзолади
Марказий Осиё давлатлари президентлари ва делегациялар аъзолари қатор ҳужжатларни, жумладан, «Марказий Осиё — 2040» минтақавий ҳамкорликни ривожлантириш концепцияси ва минтақа давлатларида транспорт-логистика марказларини ривожлантириш бўйича ўзаро англашув меморандумини имзолади.
Қирғизистон МОда сув-энергетик ҳамкорлик механизмини яратиш тарафдори
Қирғизистон президенти Садир Жапаров МО давлатлари раҳбарлари саммитида минтақада сув-энергетика соҳасидаги ҳамкорликнинг иқтисодий механизмини жорий этиш, шунингдек, МО давлатлари орқали янги мультимодал йўналишлар ва транспорт йўлакларини яратиш имкониятларини кўриб чиқишни таклиф қилди.
«Марказий Осиё келажаги бўйича умумий позицияни шакллантириш зарур» — Тожикистон президенти
Тожикистон президенти Эмомали Раҳмон МО давлатлари саммитида «глобал таҳдид ва хавфларнинг кучайиши фонида» хавфсизлик соҳасида ҳамкорликнинг янги шаклларини ишлаб чиқиш, шунингдек, ҳуқуқ-тартибот идоралари ўртасида яқин ҳамкорлик механизмларини яратишни таклиф қилди.
«Стратегик мақсад — Марказий Осиё давлатларининг энергияга бўлган эҳтиёжини қондириш» — Туркманистон президенти
Туркманистон етакчиси Сердар Бердимуҳамедов МО давлатлари раҳбарлари саммитидаги нутқида беш давлат минтақани глобал энергия бозоридаги салбий сценарийлардан ҳимоя қила оладиган тизим ва кутилмаган ҳолатларда миллий энергия тизимлари учун хавфсизлик захирасини яратиши кераклигини таъкидлади.
Жамият
Ўрта синф нима ва унинг эҳтиёжларига қандай жавоб бериш керак?
Ўрта синф тушунчаси «бойлар бойийверади, камбағаллар камбағаллашаверади» деган эскирган қоидани барбод қилади. Ўрта синф нима, Ўзбекистонда у қанча даромад олади, кимлар унинг вакилига айланиши мумкин ҳамда бизнес ва давлат унга қандай таклиф яратиши керак — таҳлилчи Денис Соколов мақоласида.
Қашқадарёда шифохонадаги лифт шахтасидан аёл жасади топилди
Қарши шаҳридаги шифохонанинг лифт шахтасидан 36 ёшли аёлнинг жасади топилди. Орастабон бўлиб ишловчи аёл, тахминларга кўра, лифт носозлиги сабабли шахтага тушиб кетган.
Самарқандда оҳак цехи 3,4 млрд сўмлик газдан ноқонуний фойдалангани аниқланди
Самарқанд вилояти Каттақўрғон туманида оҳак ишлаб чиқариш цехи қўлбола газ қурилмаларини тармоққа улаб, 2,2 млн куб метр ҳажмдаги қарийб 3,4 млрд сўмлик табиий газдан ноқонуний фойдалангани аниқланди. Ташкилот раҳбарига жиноят иши қўзғатилди.
Дам олиш кунлари нисбатан салқин об-ҳаво кузатилади
Ўзбекистонда дам олиш кунлари нисбатан салқин об-ҳаво кузатилади: ҳарорат кундузи +33…+38 даража атрофида бўлади. Айрим тоғли ҳудудларнинг баъзи жойларида қисқа муддатли ёмғир ёғиши мумкин.
ДХХ республиканинг 3 та ҳудудида гиёҳвандлик воситалари айланмаси билан шуғулланган шахсларни ушлади
Фарғона, Хоразм ва Тошкентда гиёҳвандлик воситаларининг ноқонуний айланмаси билан шуғулланган шахслар қўлга олинди. Улардан 15 килограммдан ортиқ тақиқланган моддалар мусодара қилинди.
Хоразмда ғишт ишлаб чиқарувчи корхона 4,7 млрд сўмлик электрдан ноқонуний фойдаланди
Гурлан туманида ғишт ишлаб чиқариш заводида 4,7 млрд сўмлик электр энергиясидан ноқонуний фойдаланилгани аниқланди. Компания раҳбарига нисбатан жиноят иши қўзғатилди ва у процессуал тартибда ушланди.
Маданият
Дам олиш кунлари Тошкентда қаерларга бориш мумкин? (10−11 август)
«Бордерлендс» ва яна учта кинопремьера, очиқ осмон остидаги фильмлар намойиши, кутубхонадаги маърифий дастурлар, ярмаркалар, кўргазмалар, болалар учун спектакллар, маҳорат дарслари ва дам олиш кунларидаги бошқа тадбирлар — Afisha.uz жамланмасида.
Ўзбекча YouTube — 2024 йил июлида: Беҳзод Ҳошимов ва «Анжанликлар келди», 1000 та китоб ва «Кино кўрдим»
«Газета.uz» таҳририяти YouTube’даги ўзбекистонлик муаллифлар томонидан тайёрланаётган контентнинг ойма-ой сарҳисобини беришда давом этади. Июль ойидаги рўйхатдан аввалги сарҳисобларда бўлмаган янги лойиҳалар ўрин олди, баъзиларида эса ўзгариш кузатилди.
Спорт
Тарихий натижа. Улуғбек Рашитов — таэквондо бўйича икки карра Олимпия чемпиони
Таэквондочи Улуғбек Рашитов Париждаги Олимпия ўйинларида олтин медални қўлга киритди. У Ўзбекистон тарихида иккита Олимпия ўйинлари олтин медалини қўлга киритган биринчи таэквондочи бўлди.
Боксчи Ҳасанбой Дўсматов — икки карра Олимпиада чемпиони (видео)
Ўзбекистонлик боксчи Ҳасанбой Дўсматов Олимпиаданинг финал жангида франциялик рақибини мағлуб этиб, олтин медални қўлга киритди. У Ўзбекистон тарихида Олимпия ўйинларида иккита олтин медалга эга чиққан биринчи боксчи бўлди.
Боксчи Абдумалик Халоков Олимпиада финалига чиқди
Ўзбекистонлик боксчи Абдумалик Халоков Париждаги Олимпиада ўйинлари финалига чиқди ва «олтин» учун жанг қиладиган бешинчи боксчига айланди. Финалда унга ўзбекистонлик бокс мураббийи ёрдам берган қирғизистонлик спортчи рақиб бўлади.
«Қўлловингиз максимал даражада сезилди». Таэквондочи Улуғбек Рашитов — Ўзбекистон халқига
Таэквондо бўйича икки карра Олимпиада чемпиони Улуғбек Рашитов ўзбекистонликларга кўрсатаётган қўллови учун миннатдорчилик билдирди. «Мамлакатимизда туғилганимдан ниҳоятда хурсандман ва ниҳоятда фахрланаман. Бутун халқимизга айтмоқчиманки, қўллаб-қувватловингиз максимал даражада сезилди», — деди у.
Париж-2024: Ўзбекистонлик спортчиларнинг 9 август кунги чиқишлари тақвими
Олимпия ўйинларининг 14-кунида Ўзбекистоннинг 13 нафар атлети спортнинг 5 тури: бокс, кураш, бадиий гимнастика, таэквондо ва сувга сакраш бўйича чиқиш қилади. Икки боксчи олтин медаль учун рингга чиқса, икки курашчи бронза медали учун баҳсга киришади.
Президент телефон орқали Улуғбек Рашитов ва Ҳасанбой Дўсматовни Олимпиададаги ғалабаси билан табриклади
Президент Олимпиадада олтин медални қўлга киритиб, икки карра чемпион бўлган таэквондочи Улуғбек Рашитов ва боксчи Ҳасанбой Дўсматовни телефон орқали табриклади. Шавкат Мирзиёев Рашитов жароҳатига қарамай ғалаба қозонгани ва Дўсматовнинг жангини «нафас олмай» кузатганини таъкидлади.
Жаҳон
Қозоғистон ИИВ собиқ раҳбарига январь намойишлари бўйича шартли қамоқ жазоси берилди
Қозоғистон собиқ ички ишлар вазири Ерлан Тургумбаев 2022 йил январидаги намойишлар бўйича ўз ваколатини суиистеъмол қилганликда айбдор деб топилди ва беш йиллик шартли қамоқ жазосига ҳукм қилинди. Суд унинг пушаймонлиги ва муқаддам судланмаганини инобатга олди.
Бизни ўқиётганингиз учун раҳмат!
