Ўзбекистонлик оғир атлетикачи Акбар Жўраев 102 кг вазн тоифасида Париж Олимпиадаси иккинчи ўринни эгаллади.
Даст кўтариш машқида 185 кг кўтарган Жўраев, силтаб кўтариш дастурида 219 кг кўтарди. Иккала машқ натижасида унинг кўрсаткичи 404 кг бўлди.
Бу Ўзбекистон спорт делегацияси учун Париждаги Олимпия ўйинларининг илк кумуш медали бўлди.
Биринчи ўринни хитойлик Лиу Ҳуанҳуа умумий 406 кг билан эгаллади, бронза эса 402 кг билан нейтрал байроқ остида қатнашган беларус Яуҳени Циханцауга насиб қилди.
Акбар Жўраев Токио Олимпиадасида 109 кг вазн тоифасида 1-ўринни эгаллаб, олтин медали соҳиби бўлганди. Ўшанда даст кўтариш машқида 193 кг кўтарган Жўраев, силтаб кўтариш дастурида 237 кг кўтарганди. Иккала машқ натижасида унинг кўрсаткичи 430 кг бўлган. У силтаб кўтариш ва умумий кўрсаткич бўйича Олимпиада рекордини ўрнатганди.
Фото
