Париж Олимпиадасининг финалигача етиб борган Ўзбекистон терма жамоаси боксчиси 24 ёшли Абдумалик Халоков қирғизистонлик рақибини 5:0 ҳисобида енгиб, олтин медалга эга чиқди.
Ўзбекистонлик спортчи биринчи раундда масофани яхши ушлаб, қарши ҳужумларда аниқ ҳаракат қилди ва бу унга биринчи раундни забт этишга имкон берди (5:0). Иккинчи раундда Халоков яна ўша услубда давом этди: у қўлларини пастга тушириб олгани, рингда кўп ҳаракат қилганиди, ҳатто баъзан рақсга тушгани ҳам сезилди. Жанг якунигача Абдумалик ўз устунлигини оширди. Шунинг билан учрашув натидаси унинг ҳисобига ҳал бўлди (5:0).
Абдумалик Халоков бунгача ярим финалда Тинч океани ўйинлари чемпиони бўлган австралиялик 22 ёшли Чарли Сениорни 5:0 ҳисобида (30/27, 30/27, 30/27, 30/28, 30/28) мағлуб этди. Чорак финалда испаниялик Жозе Бротонсни мағлуб этди. Мусобақадаги илк жангини швециялик Небил Иброҳимдан устун келди.
28 ёшли қирғизистонлик Мунарбек Сейитбек ўғли эса финалгача болгариялик Ибанез Диазни, чорак финалда америкалик Жамал Ҳарбейни, нимчорак босқичда эса кубалик Иван Родригезни мағлуб этди.
Эслатиб ўтамиз, қирғизистонлик спортчи чорак финал жангини ўтказаётганда унга ўзбекистонлик мураббий секундантлик қилганди.
Халоковнинг ғалабаси Ўзбекистон терма жамоасига 7-олтин медални тақдим этди. Шунингдек, бу боксдаги тўртинчи олтин медаль ҳисобланади. Миллий терма жамоа Рио-2016 Олимпиадасидаги энг яхши натижасини янгилашда давом этиб, медаллар жадвалида 13-ўринни эгаллаб турибди.
