Американинг Sierra Nevada Corporation хусусий компанияси Ўзбекистон билан олтита Pilatus PC-12 самолётини реставрация қилиш бўйича шартнома имзолади. Бу ҳақда АҚШ Мудофаа вазирлиги сайтида қайд этилган.
Олдин имзоланган шартнома бўйича 64,24 миллион долларлик буюртма самолётларни хизматга қайтариш, соҳа вакилларини қўллаб-қувватлаш ва олтита PC-12 самолёти учун пудратчи логистика ёрдамини кўзда тутади.
Иш Ўзбекистонда амалга оширилади ва 2027 йилнинг 7 августига қадар якунланиши кутилмоқда.
Шартнома АҚШнинг Хорижий ҳарбий савдо дастури доирасида амалга оширилади. Қурол экспортини назорат қилиш тўғрисидаги қонуннинг 3-бўлимига кўра, агар президент расмий равишда «бундай қилиш Қўшма Штатлар хавфсизлигини кучайтиради ва дунё тинчлигига ёрдам беради» деб ҳисобласа, Қўшма Штатлар мудофаа маҳсулотлари ва хизматларини хорижий давлатлар ва халқаро ташкилотларга сотиши мумкин.
Шартнома имзоланаётган вақтда Хорижий ҳарбий савдо траст фондидан 26 миллион доллардан ортиқ маблағ ажратилган. Ушбу фонд одатда мижозлардан олинган тўловлар учун ишлатилади.
Шартнома бўйича пудратчи Огаё штати Райт-Паттерсон ҳаво кучлари базасидаги Ҳаво кучларининг ҳаётий айланмасини бошқариш марказидир.
2021 йил ноябрь ойида Uzbekistan Airways Миллий авиакомпанияси Швейцариянинг Pilatus Aircraft самолёт ишлаб чиқарувчисининг биринчи самолёти — Pilatus PC-12 ни ишлатишни бошлади. 2021 йил августида Толибон Кобулни эгаллаб олганида Ўзбекистон чегарасини кесиб ўтган самолётлар орасида бир нечта PC-12 ҳам бўлган.
Pilatus PC-12 бир двигателли турбовинтли самолётдир. PC-12 одатда корпоратив реактив ёки минтақавий реактив сифатида ишлатилади.
Sierra Nevada Corporation самолётларни модификациялаш ва интеграциялашуви, космик компонентлар ва тизимлар ҳамда киберхавфсизлик ва соғлиқни сақлаш учун тегишли технология маҳсулотларига ихтисослашган америкалик хусусий аэрокосмик ва ички хавфсизлик пудратчисидир.
