Ўзбекистонда Мустақиллик байрами муносабати пенсия тўловларини банк картасида олувчи фуқароларнинг сентябрь ойи учун пенсия тўловлари 1 сентябрь кунига қадар ўтказиб берилади. Бу ҳақда пенсия жамғармаси хабар қилди.
Маълум қилинишича, Ўзбекистондаги кекса ёшдаги фуқароларни, пенсия олувчиларни, ногиронлиги бўлган шахсларни қўллаб-қувватлаш ҳамда байрамни кўтаринки руҳда кутиб олишларини таъминлаш мақсадида, пенсия тўловларини банк пластик картада олувчи фуқароларнинг 2024 йил сентябрь ойи учун пенсия тўловлари 1 сентябрь кунига қадар ўтказиб берилади.
Ўзбекистон президентининг «Иш ҳақи, пенсиялар ва нафақалар миқдорини ошириш тўғрисида»ги фармонига [ПФ-108-сон] мувофиқ сентябрь ойи пенсиялар миқдори 15 фоизга оширилган ҳолатда пенционерларга тўланиши таъминланади.
Нақд пул шаклида пенсия олувчиларга тўловлар 4 сентябрь кунидан бошлаб Халқ банки сайёр кассалари томонидан графикка мувофиқ амалга оширилади.
