Франциянинг Париж шаҳрида XVII ёзги Паралимпия ўйинларининг тантанали очилиш маросими бўлиб ўтди.
Унда Франция президенти Эммануэль Макрон, Халқаро Паралимпия қўмитаси президенти Эндрю Парсонс, Халқаро Олимпия қўмитаси президенти Томас Бах ва бошқа қатор мартабали меҳмонлар иштирок этди.
Конкорд майдонида ташкил этилган тадбирда Хусниддин Норбеков ва Моҳигул Ҳамдамова Ўзбекистон байроқдорлари сифатида майдонга чиқди.
Эслатиб ўтамиз, 28 августдан 8 сентябрга қадар ўтказиладиган ўйинларга 65 нафар ўзбекистонлик пара атлет 9 та спорт туридан (пара енгил атлетика, пара таэквондо, пара ўқ отиш, пара сузиш, пара каноэ, пара академик эшкак эшиш, пара дзюдо, пара пауэрлифтинг ва пара велоспорт) жами 113 та лицензияни қўлга киритган (уларнинг рўйхати бу ерда).
Фотожурналист Ҳусниддин Ато очилиш маросимидан олинган расмларни «Газета.uz» билан бўлишди.
Фото
