2 сентябрь куни давлат ташкилотлари вакиллари, Тошкент шаҳри жамоатчилиги Ислом Каримовни ёд этиш учун йиғилди, деб хабар бермоқда президент матбуот хизмати. Шавкат Мирзиёев у ерга ташриф буюриб, биринчи президентнинг ҳайкали пойига гулчамбар қўйди.
«Айнан мустақиллик туфайли миллий давлатчилигимиз қайта тикланди. Ўзбекистон янги тарихий даврга қадам қўйди. Айнан истиқлол туфайли жаҳон ҳамжамиятидан муносиб ўрин эгалладик», — деди у Ислом Каримовнинг «мустақилликни эълон қилган ва уни тараққиёт йўлига олиб чиққан етакчи» эканини таъкидлаб.
Биринчи президентимиз тарихнинг туб бурилиш палласида, оғир даврда мамлакатимизга раҳбарлик қилган эди, деб қўшимча қилди у.
Ислом Каримов номидаги илмий-маърифий ёдгорлик мажмуасида Қуръон тиловат қилинди. Маросимда Олий Мажлис, Президент администрацияси, Вазирлар Маҳкамаси, вазирлик ва идоралар, жамоатчилик вакиллари ҳам биринчи президент ҳайкалига гул қўйди. Хотира тадбирлари Самарқанд ва Қарши шаҳарларида ҳам бўлиб ўтди.
Фото
Тошкент
Қарши
