Самарқанд вилояти Каттақўрғон туманида Lacetti дўконга келиб урилди. Бу ҳақда ввилояти ЙҲХБ хабар қилди.
Қайд этилишича, 2024 йил 3 сентябрь куни соат 16:20 ларда Каттақўрғон тумани «Мундиён» МФЙ ҳудудидан ўтувчи «Зарафшон трактининг ўнг қирғоғи» 4Р-48 автомобиль йўлининг 98 километрида ҳайдовчи Lacetti автомашинасини «Каттаминг-Кадан» йўналишида бошқариб келиб йўлнинг ўнга қия бурилиш жойида тезлиги юқори бўлгани сабабли озиқ-овқат дўконига келиб урилган.
Оқибатда дўкон ичида бўлган бир нафар фуқаро тан жароҳати олиб туман тиббиёт бирлашмасига мурожаат қилган.
Ҳолат юзасидан Каттақўрғон туман ИИБ ЖХХ ЙҲХБ томонидан дастлабки суриштирув ишлари бошланган.
