Футбол бўйича Ўзбекистон миллий терма жамоаси 2026 йилги жаҳон чемпионатига саралашнинг 3-босқичи дастлабки ўйинида КХДРни мағлуб этди. 5 сентябрь куни Тошкентдаги «Бунёдкор» стадионида бўлиб ўтган ўйин 1:0 ҳисобида якунланди.
Дастлабки дақиқаларданоқ Ўзбекистон терма жамоаси босим ўтказди ва биринчи рақамда ўйнашга ҳаракат қилди. 20-дақиқада чиройли комбинациядан сўнг ярим ҳимоячи Жалолиддин Машарипов рақиб дарвозасига йўл топа олди. Учрашув якунларига кўра, у ўйиннинг энг яхши футболчиси бўлди.
Шимолий кореяликлар ҳам хавфли вазиятлар яратди. Улардан бири 40-дақиқада Одилжон Ҳамробеков рақибини жарима майдончаси ичида йиқитиб, пенальтига сабаб бўлиши билан якунланди. Дарвозабон Ўткир Юсупов бурчакни топди ва ҳужумчи Кук-Чол Кан II дан зарбасини қайтарди.
Иккинчи бўлимда рақиб секин-аста тўпни эгаллаб, Ўзбекистонга қарши ҳужумлар уюштира бошлади, аммо терма жамоа ҳужумларни бартараф этди.
Эслатиб ўтамиз, жаҳон чемпионатининг учинчи саралаш босқичида 18 та терма жамоа олтитадан учта гуруҳга бўлинган. Гуруҳнинг энг яхши икки жамоаси тўғридан-тўғри ЖЧ-2026 финал босқичига йўл олади. Учинчи ва тўртинчи ўринларни эгаллаган жамоалар тўртинчи босқичда ўйнайди, улар яна иккита тўғридан-тўғри йўлланма, шунингдек, қитъалараро плей-офф йўлланмаси учун кураш олиб боради.
Учинчи саралаш босқичи икки даврада (10 тур) ўтказилади. У 2024 йил 5 сентябрда бошланиб, 2025 йил 10 июнда тугайди.
Ўзбекистон «А» гуруҳида Эрон, Қатар, БАА, Қирғизистон ва Шимолий Корея билан ўйнайди. Жамоа навбатдаги ўйинда 10 сентябрь куни соат 19:00 да Қирғизистон меҳмони бўлади.
Таркиблар
Видео
Фото
