Тошкент метросининг барча бекатларда «махсус металл детектор қурилмалари»ни ўрнатиш ишлари бошланганини маълум қилди.
Метрополитен матбуот хизматининг «Газета.uz»га аниқлик киритишича, гап аркали металл детекторлар (рамкалар) ҳақида кетмоқда. Иш Чилонзор линиясининг Сергели тармоғи «Чинор» бекатидан бошланди.
Хабарда айтилишича, йўловчилар оқимининг доимий ўсиши метрополитен ходимларидан «қўшимча масъулият»ни талаб қилади. Металл детекторларнинг ўрнатилиши «бекатлардаги хавфсизлик чораларини таъминлаш ва йўловчиларга сифатли хизмат кўрсатиш»га қаратилган.
Ишни яунлаш бўйича аниқ сана ҳозирча номаълум. Йўловчилар ўзи ва ўзгалар хавфсизлигига бефарқ бўлмасликка чақирилди.
Ҳозирда метрополитенда қўл металл детекторлари қўлланади, ҳуқуқ-тартибот идоралари ходимлари ундан сумка ва рюкзакларни текширишда фойдаланади.
