6 сентябрь куни Ўзбекистон терма жамоаси Париждаги ёзги Паралимпия ўйинларида навбатдаги кумуш медални қўлга киритди.
Пара-спортчи Сафия Бурханова F12 (кўришда нуқсони бўлган спортчилар) тоифасидаги ядро улоқтириш баҳсларининг финалида 14,12 м натижа кўрсатиб, иккинчи ўринни эгаллади.
Бу 34 ёшли спортчининг фаолиятидаги учинчи Паралимпия медалидир. Токио-2020 да у 14,78 м натижа билан олтин медални қўлга киритган бўлса, Рио-2016 да 15,05 м натижа билан кумуш медалга сазовор бўлган, бу эса Паралимпия ва жаҳон рекорди бўлиб қолмоқда.
Биринчи ўринни ўзбекистонлик спортчининг азалий рақиби, уч карра Паралимпия ўйинлари чемпиони, италиялик Ассунта Леньянте (14,54 м), учинчи ўринни эса хитойлик Чжао Юйпинг (12,21 м) эгаллади.
Ассунта Леньянте.
Хабар эълон қилинган вақтда Ўзбекистон 18 та медаль — 8 та олтин, 6 та кумуш ва 4 та бронза билан умумий медаллар рейтингида 12-ўринда бормоқда. Ўйинлар 8 сентябрь куни якунланади. Токио-2020 да бўлиб ўтган сўнгги Паралимпия ўйинларида Ўзбекистон 19 медални (8−5−6) қўлга киритиб, 21-ўринни, Рио-2016 да эса 31 медаль билан (8−6−17) турнир жадвалида 16-ўринни эгаллаган эди.
