8 сентябрь куни Шавкат Мирзиёев Қозоғистон президенти Қосим-Жомарт Тоқаевнинг таклифига биноан амалий ташриф билан Остона шаҳрига жўнаб кетди, дея хабар бермоқда давлат раҳбарининг матбуот хизмати.
Қўшни мамлакат пойтахтида президент бешинчи Бутунжаҳон кўчманчилар ўйинлари — ЮНЕСКОнинг Номоддий маданий мерос рўйхатига киритилган этник спорт турлари бўйича халқаро спорт мусобақаларининг тантанали очилиш маросимида иштирок этади.
Таъкидланишича, ушбу спорт тадбирида дунёнинг 90 га яқин давлатидан 2 мингдан зиёд спортчи, жумладан, Ўзбекистон терма жамоаси иштирок этиши кутилмоқда.
