Тошкент шаҳрида 36 ёшли аёлни поезд уриб кетди. Бу ҳақда Millar дастурида маълум қилинди.
Хабар қилинишича, 23 август куни соат 02:00 ларда Салар-Нурҳаёт темирйўл бекатлари оралиғида 1988 йилда туғилган аёлни поезд уриб кетган.
Воқеа жойига тез тиббий ёрдам ва ички ишлар органлари ходимлари етиб борган. Аёлга биринчи тиббий ёрдам кўрсатилиб, шифохонага ётқизилган.
Аёл шифохонада жарроҳлик амалиётига олинган. У бир неча кун давомида шифохонада бўлган, бироқ кўрсатилган тиббий ёрдамга қарамай вафот этган.
