Ўзбекистон сузиш федерацияси мансабдор шахслари соҳа учун ажратилган 2 млрд сўмдан ортиқ маблағларни талон-торож қилингани аниқланди, дея хабар қилди Бош прокуратура.
Хусусан, ажратилган маблағлар ҳисобидан терма жамоа аъзоси бўлмаган, аслида федерация бош котиби А.Г.нинг оила аъзолари бўлган Н.Г., М.Г. ва бошқа жами 15 нафар фуқароларни Туркия давлатига дам олишга юборилиб, 405 млн сўм маблағ талон-торож қилинган.
Шунингдек, амалда ўтилмаган ўқув-машғулот йиғинлар учун сохта буйруқлар асосида 458 млн сўм маблағлар ўзлаштирилган.
Бундан ташқари, федерацияга халқаро мусобақа ва ўқув машғулотлари ўтказиш учун ҳомийлар томонидан ажратилган 1,2 млрд сўм маблағлар мақсадсиз сарфланиб, талон-торож қилинган.
