Американинг SpaceX компаниясига тегишли Crew Dragon кемасининг икки экипаж аъзоси илк бор хусусий тарзда коинотга чиқди, деб хабар бермоқда Reuters.
Polaris Dawn тижорий миссияси капитани ва ҳомийи, миллиардер Жаред Айзекман ва SpaceX муҳандиси Сара Жиллис космосда бундай экскурсияни амалга оширган биринчи нопрофессионал астронавтлар бўлди.
https://twitter.com/PolarisProgram/status/1834210476156129761?ref_src=twsrc%5Etfw%7Ctwcamp%5Etweetembed%7Ctwterm%5E1834210476156129761%7Ctwgr%5Ea7bf8e2cf99d98767d1efe39bfcc7a93458cb02b%7Ctwcon%5Es1_c10&ref_url=https%3A%2F%2Fwww.gazeta.uz%2Fru%2F2024%2F09%2F12%2Fpolaris-mission%2F
Тўлиқ шахсий экипажнинг яна икки аъзоси — SpaceX муҳандиси Анна Менон ва АҚШ ҳаво ҳарбий кучларининг истеъфодаги подполковниги Скотт Потит — кема ичида қолди.
Crew Dragon’да шлюз (қулф) йўқ бўлгани учун космосга чиқиш вақтида люк кенг очиқ туриши керак эди. Экипаж кислород олиш учун SpaceX томонидан ишлаб чиқилган скафандрларга таянди, бу кислород Crew Dragon’га шланг орқали уланганди. 1960 йилларда NASA астронавтлари ва совет космонавтлари худди шу усулда коинотга чиққан, дея аниқлик киритади The New York Times.
Айзекман ва Жиллиснинг ташқарига чиқиши бор-йўғи бир неча дақиқа давом этди, уларнинг ҳаракатлари эса эҳтиёткорлик билан машқ қилинганди, дея қайд этади нашр.
«Ҳаммамизнинг уйда қилишимиз керак бўлган жуда кўп ишимиз бор, лекин бу ердан Ер, албатта, мукаммал дунёга ўхшайди», — деди Айзекман космик кемадан чиқаётиб.
Polaris Dawn миссиясининг нархи ошкор этилмади, бироқ бошқа рейсларда Crew Dragon’даги ўриндиқ учун 55 миллион долларлик нархга асосланилса, бу юзлаб миллион долларга тушиши мумкин, дея таъкидлайди Reuters.
Миссия экипажи 2,5 йил давомида SpaceX симуляторларида машқ қилган ҳамда оғир ва ноқулай шароитларда машғулотлар ўтаган.
Миссия 10 сентябрда Флоридадаги Канаверал бурнидан бошланди ва 14 сентябрда Ерга қайтиши кутилмоқда.
