Қашқадарё туманида «КамАЗ»нинг тиркамаси ҳаракат вақтида чиқиб кетди. Ҳодиса ҳақида вилоят ЙҲХБ маълумот берди.
Маълум қилинишича, 2024 йил 15 сентябрь куни соат 13:20 ларда Деҳқонобод тумани «Деҳқонобод» МФЙ ҳудудидан ўтган М-39 Тошкент-Термиз автомобиль йўлининг 83 километрида ҳайдовчи Х.Х. бошқарувида бўлган «КамАЗ» юк автомашинасининг орқа тиркамаси чиқиб кетган.
Оқибатда тиркама ҳаракат йўналиши бўйича олдинда қарама-қарши томондан ҳаракатланиб келаётган ҳайдовчи А.Ш. бошқарувида бўлган бошқа «КамАЗ» юк автомашинасини чап ён томонига, шунингдек, Labo автомашинасининг олд томонига бориб урилган. Тиркама бундан ташқари йўл четида турган Cobalt’нинг орқа томонига бориб урилган.
Ҳодиса сабаб Labo ҳайдовчиси тан жароҳати олиб туман шифохонасига ётқизилган. Ҳолат юзасидан суриштирув ҳаракатлари бошланган.
