18 сентябрь тонгида Тошкент шаҳри Олмазор туманидаги мебель ишлаб чиқариш корхонасида ёнғин содир бўлди. Пойтахт ФВБ ҳодиса тафсилотларини маълум қилди.
Унга кўра, соат 07:28 да Уста Ширин кўчасидаги ёнғин хабари келиб тушган. Қутқарув экипажлари ёнғинни 07:58 да қуршаб олган, соат 08:56 да батамом ўчирган. Жараён шаҳар ФВБ бошлиғи Мухтор Муҳитдинов назоратида амалга оширилди, дейилади хабарда.
Ёнғиннинг шаҳар марказидан кўриниши.
Ҳодиса оқибатида жароҳат олган ва вафот этганлар йўқлиги маълум қилинди. Ёнғин сабаби ва моддий зарари аниқланмоқда.
