19 сентябрь куни Будапештда бўлиб ўтаётган Бутунжаҳон шахмат Олимпиадасининг саккизинчи турида Ўзбекистон эркаклар терма жамоаси қийинчилик билан ғалабага эришди, аёллар терма жамоаси эса АҚШга имкониятни бой берди.
Эркаклар терма жамоаси вакиллари (ўртача рейтинг — 2690, 4-рақамли) асосий учрашувлардан бирида 2,5:1,5 ҳисобида Сербияни (2649, 16-рақам) мағлуб этди. Рақиб жамоа олтита турда ғалаба қозонган ва фақат Ҳиндистонга ютқазган.
Фото: Uzchess / Telegram
Дастлабки учта тахтадаги ўйин дуранг билан якунланди: Нодирбек Якуббаев Алексей Сарана (ўйин) билан, Жавоҳир Синдаров Александр Инжич билан, шунингдек, Шамсиддин Воҳидов Велимир Ивиc билан ўйинда ғолиб аниқланмади.
Учрашув натижаси Нодирбек Абдусатторов ва Александр Предке ўртасидаги биринчи тахтада ҳал бўлди. Сербиялик шахматчи ўзининг оқ рангдаги дебютини ғайриоддий тарзда ижро этди.
Бу натижа Ўзбекистонга турнир жадвалида иккинчи ўринга кўтарилиш имконини берди. Терма жамоа 9-турда ҳал қилувчи жангни 8 учрашувда 8 та ғалаба билан турнирнинг амалдаги пешқадами бўлиб турган Ҳиндистон билан олиб боради.
2022 йилда Ченнай (Ҳиндистон)да бўлиб ўтган сўнгги Олимпиадада ушбу жамоаларнинг учрашуви бўлажак олтин медаль учун ҳал қилувчи аҳамиятга эга эди. Ўшанда Нодирбек Абдусатторов Гукеш Доммаражудан ўйин охирида ғалабани тортиб олиб, рақибига илк мағлубиятни тақдим этишга муваффақ бўлганди.
Гукеш ва Абдусатторов биринчи доскадаги баҳсда олтинга асосий даъвогарлар саналади. Бу раундда Ле Куанг Лиемни мағлуб этган Магнус Карлсен учинчи ўринда бўлди.
Мамлакат аёллар терма жамоаси АҚШга 0,5:3,5 ҳисобида имкониятни бой берди. Афруза Ҳамдамова Карисса Йипга, Нилуфар Якуббоева Ирина Крушга, Умида Омонова Элис Лига имкониятни бой берди. Нодира Нодиржонова Анна Затонских билан тенг ўйнади.
Натижада жамоа 11 очко билан 25-ўринга тушиб кетди. 9-турда аёл шахматчилар Сербияга қарши баҳс олиб боради.
