23 сентябрь куни жиноят ишлари бўйича Юнусобод тумани судида «Тошшаҳартрансхизмат» АЖнинг собиқ раиси Анвар Жўраевга нисбатан жиноят иши бўйича суд жараёни бошланди, деб хабар бермоқда «Газета.uz» мухбири.

Эслатиб ўтамиз, у февраль ойида Бош прокурори ўринбосарининг илтимосномасига биноан қўлга олинган эди. Шундан сўнг иш ДХХ томонидан олиб борилаётгани, Жўраев компания бош муҳандиси ва иккита автобус саройи раҳбарлари билан тил бириктириб, эҳтиёт қисмлар ва ёқилғи ўғирлашда гумон қилинаётгани маълум қилинди.

Судья Умидбек Мусаев раислигидаги ишда жами 21 нафар шахсга нисбатан айблов хулосаси шакллантирилган, уларнинг 8 нафари ҳибсда.

"Газета.uz"да реклама

Суд жараёни очиқ бўлиши айтилганди, бироқ суд журналистларга жараёндан фото, видео, шунингдек, аудиоёзувлар олишни тақиқлади.

Суд раиси судланувчиларнинг рўйхатини эълон қилди. Улар:

  • Анвар Жўраев (1982) — «Тошшаҳартрансхизмат» собиқ бошқарув раиси. Муқаддам судланмаган.
  • Абдужамил Азизов (1972) — «Тошшаҳартрансхизмат» собиқ бошқарув раиси ўринбосари. Муқаддам судланган, ЖКнинг 135-моддаси.
  • Нажмиддин Давлатов (1963) — «Тошшаҳартрансхизмат» собиқ бошқарув раиси ўринбосари. Муқаддам судланмаган.
  • Дилшод Аширматов (1982) — 1-автобус саройи раҳбари. Муқаддам судланмаган.
  • Шоазиз Аширов (1993) — 1-автобус саройи раҳбари ўринбосари. Муқаддам судланмаган.
  • Исмоил Баратов (1988) — 8-автобус саройи раҳбари ўринбосари. Муқаддам судланмаган.
  • Ҳусан Маҳкамов (1983) — «Тошавтотаъмирхизмат» раиси. Муқаддам судланмаган.
  • Ахмад Алимов (1969) — «Тошавтотаъмирхизмат» раиси ўринбосари. Муқаддам судланган, 167-модда.
  • Ҳабибулло Музаффаров (1983) — «Тошавтотаъмирхизмат» омбори ходими. Муқаддам судланмаган.
  • Козимбек Худоёров (1983) — 2-автобус саройи бўлим бошлиғи. Муқаддам судланмаган.
  • Бекзод Ибрагимов (1985) — 8-автобус саройининг собиқ раҳбари. Муқаддам судланмаган.
  • Шуҳрат Ахмедов (1972) — 8-автобус саройи бош мухандиси. Муқаддам судланган, 167-модда.
  • Хикмат Раҳимбердиев (1978) — 8-автобус саройи омбор мудири. Муқаддам судланмаган.
  • Бахтиёр Шарипов (1967) — 8-автобус саройи моддий механиги. Муқаддам судланмаган.
  • Қобил Носиров (1970) — 8-автобус саройи навбатчи механиги. Муқаддам судланмаган.
  • Равшан Зоиров (1967) — 8-автобус саройи навбатчи механиги. Муқаддам судланмаган.
  • Фахриддин Зокиржонов (1962) — 1-автобус саройи навбатчи механиги. Муқаддам судланмаган.
  • Достонбек Алимбеков (1998) — «Тошшаҳартрансхизмат» АЖ ҳаракат хавфсизлиги бўлими етакчи мутахассиси. Муқаддам судланмаган.
  • Равшан Атамуҳаммедов (1974) — 1-автобус саройи бош мухандиси. Муқаддам судланмаган.
  • Наргиза Абдураҳмонова (1983) — 8-автобус саройи ишлаб чиқариш бўлими мухандиси. Муқаддам судланмаган.
  • Исломбек Ибрагимов (1984) — 1-автобус саройи омбор мудири. Муқаддам судланмаган.

Суд раиси судланувчиларнинг аксарияти айблов хулосаси олмагани сабабли жиноят ишини кўриб чиқишни 1 ҳафта, яъни 30 сентябргача қолдирди.