Тошкент вилояти Чирчиқ шаҳрида Spark каналга тушиб кетди, дея хабар бермоқда Фавқулодда вазиятлар вазирлиги матбуот хизмати.
Қайд этилишича, воқеа 22 сентябрь куни соат 20:40 атрофида содир бўлган. Автомобиль ҳаракатланиб кетаётган вақтда ҳайдовчининг эҳтиётсизлиги оқибатида «Зах» каналига тушиб кетган.
Чирчиқ шаҳар ФВБ қутқарувчилари зудлик билан айтилган манзилга етиб бориб, ҳамкорликдаги хизматлар билан махсус техника ва асбоб-анжомлар ёрдамида автомобиль каналдан чиқариб олинган.
Машинада ҳайдовчининг ўзи бўлган. У автомобиль сувга тушган вақтда ўз ҳаракатлари билан қуруқликка чиқиб олган. Ҳодиса оқибатида вафот этган ва тан жароҳати олганлар йўқ, дейилади хабарда.
