Сиёсат
Ботир Зоҳидов камбағалликни қисқартириш ва бандлик вазири этиб тасдиқланди
Тошкентнинг Шайхонтоҳур туманига ҳокимлик қилган Ботир Зоҳидов камбағалликни қисқартириш ва бандлик вазири лавозимига тасдиқланди.
Аҳоли саломатлиги хавфсизлигини таъминлаш бўйича Миллий ҳаракатлар режаси тақдим этилди
Тошкентда 2024−2028 йилларда аҳоли саломатлиги хавфсизлигини таъминлаш бўйича Миллий ҳаракатлар режаси тақдимоти бўлиб ўтди. Унинг мақсади мамлакат соғлиқни сақлаш соҳасидаги фавқулодда вазиятларга янада самарали жавоб беришга тайёрлигини оширишдан иборат.
Беҳзод Мусаев Ташқи меҳнат миграцияси агентлиги раҳбари этиб тайинланди
Собиқ камбағалликни қисқартириш ва бандлик вазири Беҳзод Мусаев Ташқи меҳнат миграцияси агентлигига раҳбар этиб тайинланди. Агентликнинг ўзи Вазирлар Маҳкамаси бўйсунувига ўтказилди.
Маҳаллабай агентлиги фаолияти тугатилди
Салкам 3 йил фаолият юритган Маҳаллабай ишлаш ва тадбиркорликни ривожлантириш агентлиги тугатилди. Унинг барча вазифалари ҳамда ҳоким ёрдамчилари Камбағалликни қисқартириш ва бандлик вазирлигига ўтказилади.
Президент қурилишда коррупцияга қарши курашни кучайтиришни буюрди
Йил бошидан буён қурилиши рўйхатдан ўтказилмай бошланган объектлар сони 2200 тага етди, шу боис пала-партиш қурилиш кўпайди, деди президент. Қурилиш инспекциясининг бошқармаларида қурувчи-операторлар штаби пайдо бўлади, қурилаётган объектлар олдида QR кодли паспорти чиқариб қўйилади.
Жамият
«Эртанги кунга умид бор-у, ишонч йўқ». Бойсунликлар — газ конидаги иккинчи авариядан кейинги вазият ҳақида
Бойсундаги М-25 газ конида 17 сентябрда такрорий авария оқибатлари 1 сентябрдаги биринчи фалокатдан оғирроқ бўлди — қурбонлар ва жароҳатланганлар бор. Омон қолган аҳолига ҳам осон бўлмаяпти. «Газета.uz» вазият юзасидан ишончли ахборот, ёрдам ва компенсация кутаётган бойсунликлар билан суҳбатлашди.
«Машинам мурда ташувчи эмас». Ҳайдовчи 19 ёшли қизни уриб юбориб, уни шифохонага етказишдан бош тортди
Тошкентда пиёдалар ўтиш жойида Gentra катта тезликда 19 ёшли қизни уриб кетди. Марҳуманинг отаси ва гувоҳларга кўра, ҳайдовчи унинг машинаси «мурда ташувчи эмаслигини» айтиб, қизни шифохонага элтишдан бош тортган. Қизнинг яқинларидан бири бундай ЙТҲларда автомобилларни мусодара қилишни таклиф этди.
«Президент қарори нотўғри талқин қилинган». Сирдарёда тадбиркорлар қуёш панели ўрнатмагани учун электрдан узилди
Сирдарёда электрдан узилган тадбиркорлар ҳокимият биноси олдига йиғилди ва ҲЭТК томонидан асоссиз равишда, қуёш панели ўрнатмагани учун тармоқдан узиб қўйилганини қайд этди. Сирдарё ҲЭТК ҳолатга муносабат билдириб, масъуллар президент қарорини нотўғри талқин қилганини маълум қилди.
Йўл ҳаракати қоидаларини қайта-қайта бузган ҳайдовчилар билан «маҳалла еттилиги» ишламоқда — ЙҲХХ бошлиғи
ЙҲХХ «маҳалла еттилиги» билан биргаликда йўл ҳаракати қоидаларини беш ва ундан ортиқ марта қўпол равишда бузган ҳайдовчилар билан манзилли ишламоқда. Бу ҳақда Сенатда ЙҲХХ раҳбари Шерзод Ибрагимов гапирди.
Бухорода ҳоким ёрдамчисининг машинаси уриб юборган ўқувчи вафот этди. Мансабдор тезликни оширган бўлиши мумкин
Ромитан туманида ҳоким ёрдамчиси содир этган ЙТҲда 3-синф ўқувчиси вафот этди. Ҳайдовчининг катта тезликда ҳаракатлангани айтилмоқда. Ҳолат юзасидан жиноят иши қўзғатилди.
Ҳафтанинг иккинчи ярмидан ҳаво салқинлашади
Ҳафтанинг биринчи ярмида Ўзбекистоннинг катта қисмида қуруқ ва илиқ об-ҳаво сақланиб туради. Иккинчи ярмида эса Каспий денгиз ҳудудларидан бироз салқин ва нисбатан нам ҳаво кириб келиши кутилмоқда. Ҳудудларда қисқа муддатли ёмғир ёғиши мумкин.
Тошкентдаги КҲАЙнинг Турин политехника университетига яқин қисми бир кунга ёпилди
Кичик ҳалқа автомобиль йўлининг Олмазор туманидаги бир қисми 23 сентябрь куни 07:00 дан 24 сентябрь куни 07:00 гача автомобиллар ҳаракати учун ёпилди.
«Тошшаҳартрансхизмат»нинг собиқ раҳбари Анвар Жўраев устидан суд жараёни бошланди
Тошкентда февраль ойида ҳибсга олинган «Тошшаҳартрансхизмат» собиқ раҳбари Анвар Жўраев устидан суд жараёни бошланди. Унда 21 киши (жумладан, икки автобус саройи ва «Тошавтотаъмирхизмат» раҳбарлари) судланмоқда. Уларнинг аксарияти ҳали айблов хулосаси олмагани сабаб суд иши бир ҳафтага кечиктирилди.
Тошкент вилоятида Spark каналга тушиб кетди
Чирчиқ шаҳрида Spark ҳайдовчининг эҳтиётсизлиги оқибатида каналга тушиб кетди. Машина ФВБ ходимлари томонидан чиқариб олинди. Воқеа оқибатида жароҳатланганлар йўқ.
Тошкент вилоятидаги мактабда ўқувчилар сувдан заҳарлангани айтилмоқда
Олмалиқ шаҳридаги ихтисослашган мактабда 12 нафар ўқувчи фильтрланмаган сув истеъмоли оқибатида заҳарлангани айтилмоқда. Уларнинг 7 нафарига уйида даволанишга жавоб берилган. Ҳолат юзасидан терговга қадар текширув олиб борилмоқда.
Ўзбекистонлик қурувчилар Хорватияга ишга таклиф қилинмоқда
Хорватия қурилиш соҳасида ишловчи ўзбекистонликларни ишга таклиф қилинмоқда. Ойлик маош 1000 евродан бошланади. Номзодлар 18−50 ёш оралиғида ва камида 1 йиллик иш тажрибасига бўлиши лозим.
Катта миқдорда тамаки партиясини чой сифатида Ўзбекистон орқали олиб ўтишга чек қўйилди
Бухорода божхоначилар 705,5 минг қути қора чой сифатида кўрсатилган сигареталарни Ўзбекистон орқали транзит қилишга уринишнинг олдини олди. Тамаки маҳсулотларининг тахминий қиймати 17 млрд сўмни (1,3 млн доллар) ташкил этади.
Ўзбекистонда 16 қаватдан юқори бинолар қуриш бўйича Конструкторлик бюроси ташкил қилинади
Ўзбекистонда 2025 йилгача 16 қаватдан юқори бинолар қуриш бўйича Тошкент архитектура-қурилиш университети қошида алоҳида Конструкторлик бюроси ташкил қилинади. Президент қурилишдаги ўзгаришлардан орқада қолмаслик учун Шаҳарсозлик нормалари ва қоидаларини мунтазам янгилаб бориш кераклиги таъкидланди.
Уй-жой сотиб олишда эскроу тизими жорий этилади — президент
Президент уй-жой сотиб олишнинг янги механизми — эскроу ҳисоби жорий этилишини маълум қилди. Банклар уй-жойни ўз вақтида ва сифатли қуриш ҳамда уни эгасига етказиб беришни кафолатлаб, қурувчи ва харидор ўртасида кафил бўлиб хизмат қилади. Янги тизим бир йил ичида синовдан ўтказилади.
«Ўзсувтаъминот» Тошкент вилоятида ўқувчилар сувдан заҳарланганини рад этди
«Ўзсувтаъминот» АЖ Олмалиқ шаҳридаги ихтисослашган мактабда 12 нафар ўқувчининг заҳарланишига сув истеъмоли сабаб бўлганини рад этди. Сувдан олинган намуналарда унинг белгиланган талабларга жавоб бериши аниқланган. Қўшимча текширув олиб борилмоқда.
Чирчиқ дарёсидан қум-шағал қазиб олингани сабаб табиатга 183 млрд сўмдан ортиқ зарар етказилди
Тошкент вилояти Чирчиқ дарёсида ноқонуний равишда қум-шағал қазиб олинаётгани аниқланди. Бунинг оқибатида табиатга 183 миллиард сўмдан ортиқ зарар етказилгани маълум бўлди.
Президент ҳокимларга йил якунигача камида 10 тадан ҳудуди мастер режасини ишлаб чиқишни топширди
Шавкат Мирзиёев аксарият вилоятларда туман ва шаҳарларнинг мастер режаларини тайёрлаш ишлари ортда қолаётганини танқид қилди ва вилоят ҳокимларига йил охиригача камида 10 тадан ҳудуди мастер режасини ишлаб чиқишни буюрди.
Спорт
Шахмат Олимпиадаси: Ўзбекистон бронза, Шамсиддин Воҳидов олтин медални қўлга киритди
Ўзбекистон шахмат Олимпиадасида 189 та давлат орасида учинчи ўринни эгаллади. Шахматчи Шамсиддин Воҳидов олтин, Нодирбек Абдусатторов кумуш медаль билан тақдирланди. Аёллар жамоаси 12-ўринни эгаллади, Нодира Нодиржонова эса ўз доскасида иккинчи энг яхши натижани қайд этди.
Жаҳон
Украинанинг «ғалаба режаси» тўртта банддан иборат — Times
Украинанинг Россия билан урушдаги «ғалаба режаси» 4 банддан иборат бўлиб, НАТО мудофаа пактига ўхшаш хавфсизлик кафолатлари, ҳарбий ва молиявий ёрдам сўровларини ўз ичига олади.
Трамп ноябрь сайловларида ютқазса, кейингиларида қатнашмаслигини айтди
АҚШда Республикачилар партиясидан президентликка номзод Дональд Трамп ноябрь ойидаги сайловларда ютқазса, 2028 йилгисида қатнашмаслигини айтди.
Бизни ўқиётганингиз учун раҳмат!
