Қорақалпоғистондаги «Довуд-ота» чегара-божхона постида оғирлиги 18 килограммдан ортиқ бўлган мефедронни Ўзбекистонга олиб киришга уринишнинг олди олинди, дея хабар қилмоқда Божхона қўмитаси матбуот хизмати.
Ўзбекистон ҳудудига кириб келган Lada Largus автомашинаси кўздан кечириш чоғида автомобилнинг юк бўлимидаги иккита овоз кучайтиргич (колонка) божхоначилар эътиборини тортган. Қурилмаларнинг ичига ёт жисмлар жойланган бўлган
Холислар иштирокида колонкалар очилганида, уларнинг ичидан 36 дона полиетилен ўрам топилган. Марказий божхона лабораторияси хулосасига кўра, ўрамларда оғирлиги 18,089 кг бўлган синтетик мефедрон препарати бўлган.
Ҳозирда ҳолат юзасидан жиноят иши қўзғатилган.
