Сиёсат

ТИВ раҳбари БМТдаги нутқида иқлим ўзгариши, дунёдаги можаролар ва Афғонистон масаласига тўхталиб ўтди

Бахтиёр Саидов БМТдаги чиқишида барча давлатларни иқлим ўзгариши, камбағаллик ва технологик тенгсизлик муаммоларини ҳал этишда глобал ҳамкорликка чақирди. У Ўзбекистоннинг устувор йўналишлари сифатида барқарор ривожланиш мақсадларига содиқлик ва МОда тинчлик ва барқарорликка кўмаклашишни таъкидлади.

Тошкентдаги мактабда болани урган ўқитувчи воқеасига Россия ТИВ муносабат билдирди

Чилонзордаги мактабда синов муддатидаги рус тили ўқитувчиси 6-синф ўқувчисини ургани ортидан Россия Ташқи ишлар вазирлиги Ўзбекистондан «расмий тушунтириш» сўради. Улар, шунингдек, ўқитувчига нисбатан «чора кўришга» чақирган. Аввалроқ ИИБ ҳолат бўйича суриштирув кетаётгани ҳақида хабар берганди.

Алишер Қурбонов Музработ тумани ҳокими бўлди

Сурхондарё вилояти Музработ туманига Алишер Қурбонов ҳоким этиб тайинланди. У бунгача фермер хўжалиги раҳбари бўлган.

«Муаммоларга тўла ўз ишлари билан шуғулланишса, тўғри бўларди» — Алишер Қодиров РФ ТИВнинг Тошкентда ўқитувчи ўқувчини урганига муносабати ҳақида

Алишер Қодиров Тошкентда ўқитувчи ўқувчини ургани бўйича Россия ТИВ Ўзбекистондан «расмий тушунтириш» сўраганига муносабат билдирди. «Бизнинг ички ишларимиз ҳақида бош қотиргунча муаммоларга тўла ўзларининг ишлари билан шуғулланишса, тўғри бўлар эди», — дейди Миллий тикланиш партияси раиси.

Ўзбекистон Бурунди билан дипломатик алоқалар ўрнатди

Ўзбекистон ва Бурунди ташқи ишлар вазирлари дипломатик муносабатлар ўрнатиш тўғрисида қўшма коммюнике имзолади.

Учтепа туманига янги ҳоким тайинланди

Бунёд Мамаджанов Тошкент шаҳри Учтепа туманига ҳоким этиб тайинланди. У бунгача «Асакабанк» раисининг ўринбосари лавозимида ишлаб келаётганди.

ДИИҲБ Ўзбекистондаги парламент сайловларини кузатиш миссиясини бошлади

ЕХҲТнинг Демократик институтлар ва инсон ҳуқуқлари бўйича бюроси Ўзбекистондаги парламент сайловларини кузатиш бўйича миссиясини бошлади.

Иқтисодиёт

Ўзбекистонда пенсия ислоҳоти концепцияси лойиҳасини ишлаб чиқиш учун ишчи гуруҳ тузилди

Ўзбекистонда пенсия тизимини ислоҳ қилиш бўйича концепция лойиҳасини ишлаб чиқиш бўйича ишчи гуруҳ тузилди, концепция президент администрациясига 2025 йил 1 мартга қадар тақдим этилиши керак. Аввалроқ Жаҳон банки Ўзбекистонга пенсия ёшини босқичма-босқич 65 ёшга оширишни тавсия қилган эди.

HMSTR токенларини фақат рухсат этилган криптобиржа ва криптодўконларда сотиш мумкин бўлади — ИЛМА

Ўзбекистон Истиқболли лойиҳалар миллий агентлиги Hamster Kombat ўйинидан олинган HMSTR токенларини фақат рухсат этилган криптобиржа ва криптодўконда сотиш мумкинлигини маълум қилди. Криптоактивлар айланмаси қоидаларини бузганлик учун маъмурий ва жиноий жавобгарлик назарда тутилганини эслатди.

Ўзбекистон йил бошидан бери газ импортини 5,7 баробарга оширди

Ўзбекистонга газ импорти 1,15 млрд долларга етиб, 2023 йилнинг саккиз ойига нисбатан 5,7 бараварга ошди, деб хабар бермоқда Статистика агентлиги. Йил бошидан буён «зангори олов» экспорти ҳам 404,8 млн долларга (+7,1 фоиз) ўсди, август ойининг ўзида бу ўсиш (йилига) 2,4 баравар бўлди.

Жамият

Тошкентни «пиёдалар шаҳри»га айлантириш, яшил ҳудудлар ва сув ҳавзаларини кўпайтириш режа қилинмоқда

Президент Тошкент шаҳрида ҳаво сифатини яхшилаш бўйича кечиктириб бўлмас чора-тадбирлар дастурини тасдиқлади. Унда «Шаҳар — пиёдалар учун» тамойилини жорий этиш, сунъий сув ҳавзалари ва яшил зоналар барпо этиш, корхоналарда тозалаш ускуналарини ўрнатиш ва бошқа тадбирлар кўзда тутилмоқда.

Чилонзорда ўқувчини урган ўқитувчи 7 суткага қамалди. Жазо унинг бошқа ҳуқуқбузарлиги учун берилди

Тошкентдаги 188-мактабда ўқувчини урган синов муддатидаги ўқитувчи воқеанинг эртаси куни қизи ўқиётган бошқа мактабда директор ўринбосари билан тортишиб, унга куч ишлатди. Аёл Миллий гвардия ва ИИО ходимлари талабларига ҳам бўйсунмаган. Бунинг ортидан унга 7 сутка маъмурий қамоқ жазоси берилди.

Самарқандда тиркамага бориб урилган Nexia ҳайдовчиси шифохонада вафот этди

Самарқанд вилояти Оқдарё туманида Nexia ҳайдовчиси йўл четидаги тиркамага бориб урилди. Оқибатда у шифохонада вафот этди. Ҳолат юзасидан жиноят иши қўзғатилди.

Тошкентда автобусда соғлиғи ёмонлашган фуқаро вафот этди

Беруний метро бекати яқинида жамоат автобуси ичида йўловчининг соғлиғи ёмонлашиб, ташқарига олиб чиқилди. Фуқаро тез ёрдам етиб келгунга қадар вафот этди. Ҳолат юзасидан текширув ўтказилмоқда.

Қатор қўриқхона раҳбарлари ишидаги камчиликлари учун ишдан олинди

Нурота давлат қўриқхонаси, «Жанубий Устюрт» миллий табиат боғи, «Судочье-Акпетки» буюртма қўриқхонаси ва Бухоро ихтисослаштирилган «Жайрон» питомниги раҳбарлари лавозимидан озод этилди. Улар фаолиятида сусткашликка йўл қўйган ва ишни лозим даражада ташкил этмаган.

Ўзбекистонда қарийб 6 ойда 19 минг фуқаро учун 32,5 млрд сўмлик протез ва реабилитация воситалари берилди

Салкам ярим йилда 19 минг ногиронлиги бўлган ва ногиронлик гуруҳига эга бўлмаган пенсия ёшидаги шахсларнинг протез ва реабилитация воситалари учун 32,5 млрд сўм субсидия ажратилди. Ижтимоий ҳимоя миллий агентлигига кўра, фуқароларга 30 турдаги маҳсулот электрон ваучер шакллантириш орқали берилмоқда.

«Газета.uz» журналисти «Энг яхши миллий контент» республика танловида ғолиб чиқди

Ўзбекистон Журналистлар уюшмаси «Энг яхши миллий контент» танлови ғолибларини эълон қилди. Танловнинг интернет-журналистика йўналишидаги «Энг яхши миллий контент учун» номинациясида «Газета.uz» журналисти Гулираъно Мусаева ғолиб деб топилди.

Колонка: Қонунчиликдан амалиётга. Болаларни зўравонликдан ҳимоя қилиш учун самарали чоралар кўришга чақириқ

Бўлажак Болаларга нисбатан зўравонликка чек қўйиш бўйича глобал конференцияси Ўзбекистоннинг садоқатини таъкидлаш ва илғор қонунларни ҳақиқатга айлантириш учун идеал имкониятдир. ЮНИСЕФнинг Ўзбекистондаги ваколатхонаси болаларни ҳимоя қилиш бўлими бошлиғи Антония Людекенинг колонкаси.

Президент қатор тиббиёт ходимларини мукофотлади

Академик Воҳидов номидаги тиббиёт маркази 50 йиллиги муносабати билан президент соғлиқни сақлаш тизимидаги самарали меҳнати учун қатор тиббиёт ходимларини фахрий унвон ва орденлар билан мукофотлади.

Жаҳон

Исроил «Ҳизбуллоҳ» билан сулҳ битимидан воз кечди

Исроил АҚШ, Европа Иттифоқи ва Яқин Шарқда масштаблироқ урушнинг олдини олишга уринаётган бошқа иттифоқчиларнинг «Ҳизбуллоҳ» билан уч ҳафталик сулҳ таклифини рад этди.

Нью-Йорк мэри Эрик Адамс жиноятда айбланмоқда — NYT

Нью-Йорк мэри Эрик Адамс коррупциявий жиноятда айбланмоқда. Прокурорлар унинг 2021 йилги сайлов кампаниясини молиялаштириш манбаларини текширмоқда. Расмийлар Адамснинг бир қанча давлатлар, жумладан, Ўзбекистон билан алоқалари ҳақида маълумот сўраган.

Бизни ўқиётганингиз учун раҳмат!