Фарғона вилояти Марғилон шаҳрида энергия ресурсларни талон-торож қилинишини фош этишга қаратилган назорат тадбирлари ўтказилмоқда, дея хабар берди Бош прокуратура матбуот хизмати.
Қайд этилишича, шаҳарнинг Кичик саноат зонаси ҳудудидаги нотурар жойда фуқаро Т.М. ва бошқалар ноқонуний оҳак ишлаб чиқариш цехи ташкил қилган. Улар қўлбола газ қурилмаларини (горелка) ўзбошимчалик билан ер остидан ўтган ўрта босимли газ қувурига яшириш равишда улаб, 5 млрд 604 млн сўмлик табиий газни (2 млн 155 минг куб метр) ўғирлаган.
Ҳолат юзасидан Жиноят кодексининг 169-моддаси 4-қисми «а» (Жуда кўп миқдорда ўғрилик) банди билан жиноят иши қўзғатилиб, гумонланувчилар процессуал тартибда ушланган.
Бош прокуратура тадбиркорларга энергия ресурсларидан қонуний тартибда ва оқилона фойдаланишлари кераклигини эслатиб, кучайтирилган рейд тадбирлари ўтказилаётганини билдирди.
