9 октябрь куни кимё бўйича 2024 йилги Нобель мукофоти Дэвид Бейкер (Вашингтон университети, АҚШ), Жон Жумпер ва Демис Хассабисга (Google DeepMind компанияси, Буюк Британия) берилди.
Мукофотни топширувчи Стокгольмдаги Қироллик Каролинска тиббий-жарроҳлик институтининг хабар қилишича, мукофот икки қисмга бўлинган.
Демис Хассабис ва Жон Жумперга у сунъий интеллектдан фойдаланиб, деярли барча маълум бўлган оқсилларнинг тузилишини аниқлай олгани учун, Дэвид Бейкерга эса бутунлай янги оқсилларни яратишга имкон беришдаги ишлари учун тақдим қилинган.
Эслатиб ўтамиз, 2023 йилги кимё бўйича Нобель мукофоти квант нуқталарини кашф этган ва синтез қилган олимлар — Мунги Бавенди, Луи Брюс ва Алексей Экимовга берилганди.
Маълумот учун, 2024 йилда тиббиёт ва физиология бўйича Нобель мукофотига генлар фаолиятини бошқарувчи микроРНК молекулаларини кашф этган Виктор Амброс ва Гари Рувкун, физика бўйича Нобель мукофотига сунъий нейрон тармоқларидан фойдаланишдаги ихтиролари учун Жон Хопфилд ва Жеффри Хинтон лойиқ кўрилди.
10 октябрда адабиёт бўйича лауреатларнинг номи эълон қилинади. 11 октябр куни тинчлик мукофоти, 14 октябрда эса Альфред Нобель хотирасига иқтисод бўйича мукофот топширилади.