Қашқадарёда чўлланишга қарши «Селхона ташкил этиш» лойиҳаси бажарилмоқда (фото)
Қашқадарёда ўсимлик дунёсини яхшилаш ва тупроқ емирилиш эрозиясини олдини олиш мақсадида «Селхона ташкил этиш» грант лойиҳаси амалга оширилмоқда. Унга кўра, Қамаши туманидаги лалми ер майдонларда табиий қор ва ёмғирлардан ҳосил бўладиган сувлар бир жойга жамғарилади.
Қашқадарё вилоятида тадқиқотчилар қишлоқ маҳаллаларидаги ер майдонларида чўлланишга қарши қашқа тажриба ўтказмоқда. Бу ҳақда вилоят Олий таълим, фан ва инновациялар бошқармаси жараён акс этган суратларни эълон қилди.
Келтирилишича, бошқарма Қурғоқчил ҳудудларда қишлоқ хўжалиги тадқиқотлар маркази (ICARDA) ва БМТнинг Озиқ-овқат ва қишлоқ хўжалиги ташкилоти (FAO) билан ҳамкорликда инновацион усулда «Селхона ташкил этиш» грант лойиҳасини амалга оширмоқда. Бу ҳақда тадқиқотчилар ўртасида 2022 йилда музокаралар ўтказилган.
Ўрганишлар натижасига кўра, Қамаши давлат ўрмон хўжалигига қарашли 189 контурда пилот лойиҳани грант маблағлар ҳисобидан амалга оширилиши белгиланганди.
