Rixos Tersane Istanbul — қарийб чорак асрлик тажриба ва хизмат кўрсатишга бўлган ўзига хос ёндашув сабаб туризм соҳасида етакчи ўринни эгаллаган Rixos гуруҳининг флагман меҳмонхонаси. Меҳмонхонанинг очилиш маросими президент Ражаб Тоййиб Эрдўған иштирокида тантанавий тарзда бўлиб ўтди.
«Истанбулнинг маданият ва саноат соҳасидаги меросининг қимматли элементларини акс эттирган 600 йиллик Tersane Istanbul`ни қайта тиклаяпмиз. Ҳурматли президент Ражаб Тоййиб Эрдўғаннинг узоқни кўра билиши ҳамда Транспорт ва инфратузилма вазирлигининг саъй-ҳаракатлари туфайли биз уни Истанбул фуқаролари учун замонавий яшаш майдони сифатида қайта тиклаяпмиз. Лойиҳанинг биринчи босқичи атроф-муҳитни муҳофаза қилиш борасида намунавий ёндашувдан фойдаланган ҳолда якунланди. Биз ушбу ноёб жойда очган Rixos Tersane Istanbul шаҳарнинг бир қисмига айланади ва урбанистик меҳмондўстлик борасида янги истиқболни очади.
Лойиҳа иқтисодиётни ривожлантиришга ва иш ўринларини яратишга муносиб ҳисса қўшади. Шунингдек, Rixos Tersane Istanbul бой маданий меросни асраб-авайлаш ва келажак авлодларга етказишда муҳим ўрин тутади. Биз меҳмонхонанинг дизайндан тортиб архитектурагача бўлган ҳар бир жиҳатини пухта ўрганиб чиқдик. Мен учун тижорий лойиҳадан кўра кўпроқ нарсани англатувчи ушбу янги меҳмонхона шаҳримиз ва юртимизга фойда келтиради, деган умиддаман. Ҳурматли президентимиз Ражаб Тоййиб Эрдўғанга қўллаб-қувватлагани ва маросимда иштирок этгани учун ўз миннатдорчилигимни билдираман", — дея Rixos Hotels директорлар кенгаши раиси Феттаҳ Таминже ушбу узоқ кутилган лойиҳа ҳақида ўз фикрлари билан ўртоқлашди.
Тошкентда ҳам Истанбулдаги янги сайёҳлик мажмуасининг очилишига бағишланган байрам тадбири бўлиб ўтди.
Rixos меҳмонхоналар тармоғининг флагман лойиҳаси: Rixos Tersane Istanbul
Rixos Tersane Istanbul — 432 хонадан иборат бўлиб, уч қитъадаги саккизта давлатга сармоя киритадиган Rixos Hotels гуруҳининг ажойиб меҳмонхонаси ҳисобланади. Тарих, маданият ва санъатни ўзида мужассам этган бетакрор интерьер, мазали гастрономик таомларни таклиф этувчи ресторанлар, спорт тадбирлари ва Олтин Шох кўрфазининг бетакрор манзараси кўриниб турадиган инфинити-бассейнга эга Rixos Tersane Istanbul шаҳар марказида унутилмас дам олиш онларини таъминлайди.
Меҳмонхона архитектураси минтақанинг тарихий қиёфаси билан мукаммал тарзда уйғунлашган. Шаҳар марказига яқинлиги ва тарихий яриморол манзараси кўриниб туриши Rixos Tersane Istanbul`ни маҳаллий ва халқаро сайёҳлар учун жозибадор масканга айлантиради. Бундан ташқари, меҳмонхонага денгиз орқали ҳам қулай тарзда етиб келиш мумкин.
Rixos Tersane Istanbul ўз концепциясида маданият, санъат ва спортга урғу беради. Олтин Шох кўрфази қадим замонлардан бери қут-барака ва фаровонлик рамзи бўлган ҳамда Истанбулни Ўртаер денгизи ва Яқин Шарқдаги асосий савдо марказига айлантирган бандаргоҳ вазифасини ўтаган. Rixos Tersane Istanbul ушбу тарихий меросдан илҳомланиб, маданий барқарорлик мавзусида маҳаллий ва халқаро рассомларнинг замонавий санъат асарларини ўзида жамлаган махсус санъат коллекциясини яратди.
Меҳмонхона кенг заллари — Tersane Ballroom ва Tersane Istanbul Event Hall туфайли турли тадбирлар ўтказиладиган жойга ҳам айланади.
Реклама ҳуқуқлари асосида.
