Сирдарё вилоятидаги мактабда болага нисбатан яна бир зўравонлик ҳолати содир бўлди.
Ижтимоий тармоқларда 27-мактабнинг биринчи синфида ўқиётган қизнинг отаси мурожаати пайдо бўлди. Унинг хабар беришича, Гўзал исмли ўқитувчи қизининг қўлларига игна санчиб, ҳожатхонага чиқишига рухсат бермай, синф эшигини қулфлаб қўйган.
Шу тариқа у қизга психологик босим ўтказган. Отанинг фикрича, бунга қўшимча дарслар учун 50 минг сўм тўлашдан бош тортгани сабаб бўлган.
Болалар омбудсмани Сурайё Раҳмонованинг офиси вазият ўрганилаётгани, туман ИИБ томонидан ўқитувчининг хатти-ҳаракатлари юзасидан терговга қадар текширув бошлангани ҳақида хабар берди.
Қизнинг жароҳати даражасини аниқлаш учун суд-тиббий экспертизаси тайинланган.
