Тошкент шаҳридан Хитойнинг Ханчжоу шаҳрига тўғридан-тўғри авиақатновлар йўлга қўйилмоқда.
Uzbekistan Airways ахборот хизматининг хабар беришича, қатновлар 17 ноябрдан бошлаб амалга оширилади.
Парвозлар якшанба кунлари қуйидаги жадвал асосида амалга оширилади:
- Тошкентдан жўнаб кетиш соат 12:40; Ханчжоуга етиб бориш соат 22:00;
- Ханчжоудан жўнаб кетиш соат 23:30; Тошкентга етиб бориш кейинги кун соат 04:10.
Бир томонлама авиачипта нархи 4 046 000 сўмдан, Тошкент−Ханчжоу−Тошкент йўналиши бўйича эса 7 003 000 сўмдан бошланади.
Авиачипталарни www.uzairways.com сайтидан, мобил иловадан, Uzbekistan Airways Sales филиалидан ва авиакомпания агентларидан харид қилиш мумкин.
