Ўзбекистонлик профессионал боксчи Муроджон Аҳмадалиев (12−1, 9 КО) мексикалик Рикардо Эспиноса Франко (30−4, 25 КО) билан чемпионлик жангини ўтказади, дея хабар бермоқда World of boxing promotions промоутерлик компанияси.
Боксчилар биринчи ярименгил вазнда вактинчалик WBA камари учун жанг қилади. Учрашув 14 декабрь куни Монте-Карлода (Монако) бўлиб ўтади.
Ўтган йилнинг апрель ойида 29 ёшли ўзбекистонлик Муроджон Аҳмадалиев енгил вазн тоифасида WBA ва IBF камарларидан маҳрум бўлиб, филиппинлик боксчи Марлон Тапалесга (39−4, 20 КО) ютқазиб қўйганди. Декабрь ойида у саккизинчи раундда мексикалик Кевин Гонсалесни (27−1−1, 14 КО) нокаутга учратиб, WBA чемпионлиги унвони учун мажбурий даъвогарга айланди.
WBA уни Наоя Иноуэга (28−0, 25 КО) қарши жанг ўтказишини режалаштирганди, аммо кейинчалик унвонни ҳимоя қилиш учун сентябрь ойида япониялик боксчи Ти Джея Доэнига (26−4, 20 ко) қарши жанг қилишга рухсат берди. Наоя Иноуэ эса 24 декабрда IBF ва WBO рейтингида биринчиликда турган Сем Гудман билан учрашади (19−0, 8 КО).
Муроджон Ахмадалиев 1994 йил 2 ноябрда Наманган вилоятида туғилган. У ҳаваскор боксда Осиё чемпиони (2017), жаҳон чемпионатининг 2-ўрин соҳиби (2015) ва 2016 йилги Олимпиаданинг бронза медали совриндоридир. Шунингдек, у 8 та жангда иккита (IBF ва WBA) чемпионлик камарини қўлга киритган ўзбекистонлик ягона спортчи бўлиб турибди.
