Тадбирда Chery компанияси турли технологик соҳалардаги илғор ютуқларини намойиш этди ва автомобилсозлик саноатини ривожлантиришнинг стратегик йўналишларини белгилаб берди. Chery интеллектуал технологиялар соҳасида етакчи ўринларни эгаллаш, янги технологик уфқларни ўзлаштириш ва юксак натижаларга эришишга интилишини маълум қилди. Фойдаланувчи тажрибасини яхшилашга қаратилган интеллектуал автобошқарув учун энг янги ечимлар, шунингдек, янги энергия манбалари соҳасида компания экотизимини мустаҳкамлайдиган янги QPower батарея технологияси намойиш этилди.
Аввалги Chery Tech Day форматидан фарқли ўлароқ, CGIC 2024 конференцияси бир кунлик тадбирдан бир ҳафталик технологик тақдимотлар ва муҳокамаларга кенгайтирилди. Тадбирда мингдан ортиқ меҳмонлар, жумладан, давлат тузилмалари, академик ва профессионал ҳамжамият вакиллари, шунингдек, халқаро ҳамкорлар, жумладан, Chery брендининг Ўзбекистондаги расмий дистрибютори — ADM Global компаниялар гуруҳи иштирок этди.
«Инновациялар — Chery учун асос ва зарурият. Биз маҳсулотларимиз ва хизматларимизни рақобатбардош қиладиган инновациялар орқали брендимизни мустаҳкамлаймиз ва унинг барқарор ривожланишини таъминлаймиз», — деди Chery Group директорлар кенгаши раиси Ин Тунюе.
Ин интеллектуал технологияларнинг ўсиб бораётган аҳамиятини ҳисобга олган ҳолда, компания соҳада етакчи ўрнини сақлаб қолиш учун интеллектуал ютуқларга интилиб, янги технологик уфқларни тадқиқ қилишни давом эттиришини таъкидлади.
Шунингдек, раис Ин Chery нафақат технологик мукаммалликка эътибор қаратаётганига, балки Хитой компаниялари ўртасида глобаллашувнинг илк кашфиётчиларидан бири эканига ҳам эътибор қаратди. Конференциянинг биринчи кунида Chery компаниясининг жаҳон бозори учун юқори сифатли, ишончли ва узоқ муддатга чидамли автомобилларни ишлаб чиқаришга қаратилган глобал стратегияси тақдим этилди. Компания маҳсулотларни ҳар бир бозор эҳтиёжларига мослаштириш ва турли фойдаланиш шароитларида автомобилларнинг ишончлилигини таъминлаш учун маҳаллий синовларни ўтказиш орқали ишлаб чиқариш жараёнларини такомиллаштирмоқда.
Chery компаниясининг глобал стратегияси бозорга ва мижозларнинг манфаатларига йўналтирилганлик тамойилларига асосланади, бунда асосий эътибор нафақат техник ишланмаларга, балки жараёнлар ва хизматларни маҳаллийлаштиришга ҳам қаратилади. Chery 2025 йилга келиб турли мамлакатлар ва маданиятлар талабларига мослаштирилган моделларни ишлаб чиқаришни режалаштирмоқда. Мазкур автомобиллар юқори сифат стандартларига жавоб беради ва маҳаллий хусусиятлар ҳисобига харидорларнинг турли эҳтиёжларини қондириш имконини беради.
Компания Хитой автомобиль брендларининг тикланишини қўллаб-қувватлаш ва саноатда инновациялар тўлқинини рағбатлантириш орқали жаҳон бозорида етакчилик қилишга интилади. Мустаҳкам технологик базага эга бўлган Chery 2024 йилда ҳам сон, ҳам сифат жиҳатдан ўсишни намойиш этиб, сезиларли муваффақиятларга эришди. Январдан сентябргача Chery Group сотув ҳажми 1,75 миллиондан ошиши уни янги энергия манбалари (NEV) автомобиллари сегментида ҳам, анъанавий сегментда (ICE) ҳам ички ва халқаро бозорларда ўсишга эришган ягона компанияга айлантирди. Chery ўз бизнесининг барча тўртта йўналиши бўйича рекордлар ўрнатгани учун Fortune Global 500 рейтингида ўз ўрнини эгаллади.
27 йиллик узлуксиз инновациялар давомида Chery қудратли технологик базани яратишга муваффақ бўлди. Компания техник директори, доктор Гао Синхуа сўнгги икки йил ичида бешта асосий йўналиш — архитектура, қувват агрегатлари, интеллектуал салонлар, интеллектуал автомобиль бошқариш ва экотизимларда сезиларли ютуқларга эришилганини айтди. Мазкур ютуқлар ўндан ортиқ муваффақиятли натижаларга олиб келиши Хитой автомобиль саноатини жаҳон даражасига олиб чиқадиган юқори сифатли технологик занжирни яратишга имкон берди.
CGIC конференцияси бир нечта мавзули ҳудудларни ўз ичига олди: тайёр автомобиллар намойиши, бутловчи қисмларни синовдан ўтказиш ва энг янги технологиялар тақдимоти. Бешта технологик йўналишдаги 100 дан ортиқ экспонатлар компаниянинг ютуқлари ва салоҳиятини намойиш этди. Аввалроқ «Янги энергия манбаларига нисбатан муросасизлик» тамойилини эълон қилган Chery CGIC 2024 да учта асосий йўналиш — литий-темир-фосфатли аккумуляторлар, титанли аккумуляторлар ва йирик цилиндрли аккумуляторларни ўз ичига олган янги QPower батареялари турларини тақдим этди. Мазкур батареялар юқори қувватлаш тезлиги, узоқ хизмат қилиш муддати, хавфсизлиги ва ҳаракатланишнинг юқори захираси билан ажралиб туради. CGIC 2024 Chery компаниясининг технологик инновацияларини ҳар томонлама тақдим этиш ва Хитой автомобиль брендларининг глобал аҳамиятини қайд этиш имконини берди.
Chery брендининг Ўзбекистондаги расмий дистрибютори ADM Global компаниялар гуруҳи ҳисобланади. Ўзбекистонда мавжуд бўлган Chery моделлари туркуми тўғрисида батафсил маълумотлар cheryauto.uz сайтида берилган. Бепул тест-драйвда қатнашиш учун Chery Uzbekistan дилерлик марказларининг исталган бирида рўйҳатдан ўтиш мумкин.
Реклама ҳуқуқлари асосида.
