Ўзбекистоннинг Индонезиядаги янги тайинланган фавқулодда ва мухтор элчиси Ойбек Эшонов Индонезия пойтахтига борди, деб хабар берди «Дунё» АА.
Ойбек Эшонов 57 ёшда. У Тошкент давлат университети (ҳозирги Ўзбекистон Миллий университети)нинг шарқшунослик факультети, шунингдек, давлат раҳбари ҳузуридаги Давлат қурилиш академиясини тамомлаган.
2008 йилдан 2017 йилгача Исроилдаги элчи лавозимида ишлаган. Янги лавозимга тайинланганига қадар ТИВнинг Жанубий Осиё, Яқин, Ўрта Шарқ ва Африка мамлакатлари билан ҳамкорлик бошқармаси бошлиғи лавозимида ишлаган. Форс ва инглиз тилларида сўзлаша олади.
Ойбек Эшонов 2018—2022 йилларда Ўзбекистоннинг Жакартадаги элчихонасига раҳбарлик қилган ва «Ўзавтосаноат» АК бошқаруви раиси этиб тасдиқланган Улуғбек Розукулов ўрнига тайинланди.
