Фарғонанинг Ўзбекистон туманида овқатдан заҳарланиш ҳолати қайд этилди. Санепидқўмита ҳолат юзасидан маълумот берди.
Таъкидланишича, 5 ноябрь куни 2 нафар фуқаро туманнинг Ибн Сино кўчасидаги кафеда тайёрланган ҳотдогдан, яна 2 киши эса Туркистон кўчасидаги ҳотдогдан заҳарланган.
Улар 6 ноябрь куни соат 11:30 да туман тиббиёт бирлашмасига қарашли юқумли касалликлар бўлимига ошқозон-ичак фаолиятининг функциясини бузилиши ташхиси билан ётқизилган.
Беморлар шифохонада шифокорлар томонидан тиббий кўрикдан ўтказилиб, ошқозон-ичак фаолиятининг функциясини бузилиши ташхиси билан бўлимга ётқизилган. Беморларнинг умумий ҳолати қониқарли.
Хабарга кўра, ушбу ҳолат Санитария-эпидемиологик осойишталик ва жамоат саломатлиги қўмитаси мутахассислари томонидан тўлиқ назоратга олинган. Ўрганиш ишлари давом эттирилмоқда.
