Марказий сайлов комиссиясининг 16 ноябрдаги қарори билан Қорақалпоғистон Республикаси, вилоятлар ва Тошкент шаҳридан сайланган Олий Мажлис Сенати аъзолари рўйхатга олинди.

Ҳужжатга кўра, ҳудудлардан жами 56 нафар ўрнига 51 нафар сенатор сайланган. Хусусан, Қорақалпоғистон Республикаси, Андижон, Бухоро, Сирдарё ва Хоразм вилоятлари 3 нафардан сенатор бўлган. Бироқ янгиланган Конституцияга мувофиқ, Сенат аъзолари ҳудудлардан тенг миқдорда — 4 нафардан (илгари — 6 нафардан) сайланиши керак. Шу билан бирга, уларнинг умумий сони 100 тадан 65 тага қисқарган.

Марказий сайлов комиссиясининг қайд этишича, янгидан шаклланган Сенат аъзоларининг 56,6 фоизи 60 ёшдан катталарни ташкил этди. Бир нафари — 30 ёш, 41,6 фоизи — 40 ёшдан 60 ёшгача.

Рўйхатда Қорақалпоғистон Республикаси Жўқорғи Кенгеси раиси, вилоятлар ва Тошкент шаҳар ҳокимлари ҳам сенатор бўлганини кўриш мумкин.

Қорақалпоғистон

  1. Атаниязова Орал Аминовна (1956) — Қорақалпоғистон тиббиёт институти ректори;
  2. Бекатова Зумрад Рахимбаевна (1968) — Олий Мажлис Қонунчилик палатаси Фуқароларнинг соғлиғини сақлаш масалалари қўмитаси аъзоси;
  3. Орынбаев Аманбай Тлеубаевич (1979) — Қорақалпоғистон Жўқорғи Кенгесининг раиси.

Андижон вилояти

  1. Абдурахманов Шухратбек Кушақбаевич (1969) — Андижон вилояти ҳокими;
  2. Ахунов Уктамжон (1949) — Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси Андижон вилояти бўлими раиси, нуронийлар жамоатчилик Кенгашининг раиси;
  3. Бурханов Кутбидин Нукритдинович (1947) — Олий Мажлис Сенатининг Мудофаа ва хавфсизлик масалалари қўмитаси раиси.

Бухоро вилояти

  1. Гадоев Эркин Файзиевич (1959) — Олий Мажлис Сенатининг Бюджет ва иқтисодий ислоҳотлар масалалари қўмитаси раиси;
  2. Зарипов Ботир Комилович (1969) — Бухоро вилояти ҳокими;
  3. Тошова Мойра Набиевна (1963) — «Шайх-ул Олам» маҳалла фуқаролар йиғини раиси.

Жиззах вилояти

  1. Бобаназарова Жамила Холмуродовна (1968) — Жиззах политехника институтининг Иқтисодиёт ва менежмент кафедраси профессори;
  2. Пардаев Нусуратулла (1950) — Жиззах вилояти Касаба уюшмалари ташкилотлари бирлашмаси Кенгаши раиси;
  3. Салиев Эргаш Алибекович (1956) — Жиззах вилояти ҳокими;
  4. Эрматов Хусан Тохирович (1969) — «Ishonch» ва «Ishonch-Doverie» газеталари бош муҳаррири.

Навоий вилояти

  1. Санакулов Кувандик (1957) — «Навоий кон-металлургия комбинати» акциядорлик жамияти бош директори;
  2. Тумишова Аксавли Молдагалиевна (1965) — Зарафшон шаҳар 9-умумий ўрта таълим мактаби директори;
  3. Турсунов Кобул Бекназарович (1964) — Олий Мажлис Сенатининг Бюджет ва иқтисодий ислоҳотлар масалалари қўмитасида доимий асосда ишловчи сенатор;
  4. Турсунов Нормат Тулкунович (1972) — Навоий вилояти ҳокими.

Наманган вилояти

  1. Абдуразаков Шавкат Шокирджанович (1976) — Наманган вилояти ҳокими;
  2. Добрих Анна Константиновна (1974) — «Ифтихор кийим саноат» масъулияти чекланган жамияти раҳбари;
  3. Нажмиддинов Икромхон (1951) — «Нуроний» жамғармаси Наманган вилояти бўлими раиси;
  4. Маматкаримов Одилжон Охундедаевич (1963) — Наманган муҳандислик-технология институти ректори.

Самарқанд вилояти

  1. Ниязова Марям Кадировна (1954) Самарқанд вилоятидаги «Kumush tola» хусусий корхонаси раҳбари;
  2. Турдимов Эркинжон Оқбутаевич (1969) Самарқанд вилояти ҳокими;
  3. Халмурадов Рустам Ибрагимович (1949) Самарқанд давлат университети ректори;
  4. Шарипов Шавкат Уктамович (1957) Самарқанд шаҳридаги «Sharq sanoat» концерни таъсисчиси.

Сирдарё вилояти

  1. Ахмеджанова Покиза Шавкатовна (1966) — Гулистон шаҳридаги «Ҳалима Худайбердиева» номидаги ижод мактаби директори;
  2. Махмудалиев Акмалжон Азимжонович (1974) — Сирдарё вилояти ҳокими;
  3. Туйчиев Анвар Мирзаахмедович (1969) — Олий Мажлис Сенатининг Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитасида доимий асосда ишловчи сенатор.

Сурхондарё вилояти

  1. Қосимов Улуғбек Бердиқобилович (1983) — Сурхондарё вилояти ҳокими;
  2. Саидов Сирожиддин Салохович (1958) — Ўзбекистон ёзувчилар уюшмаси раиси;
  3. Сувонова Дилбар Набиевна (1970) — Термиз давлат университети ўқитувчиси;
  4. Эшмуратов Абдулхаким Хушбокович (1962) — Президентнинг Сурхондарё вилоятидаги Халқ қабулхонаси мудири.

Тошкент вилояти

  1. Кадирханова Малика Акбаровна (1967) — Олий Мажлис Сенатининг Хотин-қизлар ва гендер тенглик масалалари қўмитаси раиси;
  2. Мирзаев Зойир Тоирович (1968) — Тошкент вилояти ҳокими;
  3. Тоиров Маҳмуджон (1952) — Ўзбекистон Ёзувчилар уюшмаси Тошкент вилояти бўлими раҳбари, «Адабиёт зиёси» газетаси бош муҳаррири;
  4. Хурсанов Абдулло Халмурадович (1966) — «Олмалиқ кон-металлургия комбинати» акциядорлик жамияти бошқаруви раиси.

Фарғона вилояти

  1. Бозаров Хайрулло Хайитбаевич (1976) — Фарғона вилояти ҳокими;
  2. Козихонова Орзигул Муйдиновна (1971) — Ўзбекистон касаба уюшмалари Федерациясининг Фарғона вилоят Кенгаши раиси ўринбосари;
  3. Маруфова Гулнора Махмудовна (1956) — Олий Мажлис Сенатининг Хотин-қизлар ва гендер тенглик масалалари қўмитасида доимий асосда ишловчи сенатор;
  4. Рахманов Закиржон (1957) — Фарғона вилояти «Нуроний» жамғармаси раиси.

Хоразм вилояти

  1. Абдикаримова Сайёра Сапаевна (1963) — «Юксалиш» умуммиллий ҳаракати Хоразм ҳудудий бўлинмаси раҳбари;
  2. Абдуллаев Бахром Исмоилович (1968) — Урганч давлат университети ректори;
  3. Рахимов Жўрабек Рахимович (1981) — Хоразм вилояти ҳокими.

Қашқадарё вилояти

  1. Азимов Муротжон Бердиалиевич (1976) — Қашқадарё вилояти ҳокими;
  2. Асланов Шухрат Чариевич (1978) — «Шўртан газ кимё мажмуаси» масъулияти чекланган жамияти бош директори;
  3. Иркаев Абдурахим Панджиевич (1948) — Қарши давлат университети «Миллий ғоя ва маънавият асослари» кафедраси доценти;
  4. Карамова Комила Зайдуллаевна (1960) — Республика маънавият ва маърифат маркази Қашқадарё вилояти бўлими раҳбари.

Тошкент шаҳри

  1. Аюпов Шавкат Абдуллаевич (1952) — Фанлар академиясининг В.И.Романовский номидаги Математика институти директори;
  2. Каланов Рустам Абдухакимович (1950) — «Нуроний» жамғармаси Тошкент шаҳар бўлими раиси;
  3. Нарбаева Танзила Камаловна (1956) — Олий Мажлис Сенати Раиси;
  4. Умурзаков Шавкат Буранович (1979) — Тошкент шаҳар ҳокими.

Рўйхатда аввал Сенат аъзоси бўлган 35 та сенатор (68 фоиз) қалин ҳарф билан кўрсатилган.

"Газета.uz"да реклама

Аввалроқ президент Олий Мажлис Сенатининг 9 нафар аъзосини тайинлаш тўғрисидаги фармонни имзолаганди.

Олий Мажлис Сенатининг биринчи мажлиси 19 ноябрь куни чақирилади. Қонунчилик палатасининг биринчи мажлиси эса 18 ноябрь куни бўлиб ўтади.