Олий Мажлиси Қонунчилик палатасининг 18 ноябрь куни бўлиб ўтган янги таркибдаги биринчи мажлисида аввалги 12 та қўмита ўрнига янгиланган 10 та қўмита тузилиб, 9 тасининг раис сайланди.
Қўмиталар сонининг қисқаришига меҳнат, соғлиқни сақлаш ва ижтимоий масалалар, шунингдек, халқаро муносабатлар, мудофаа ва хавфсизлик соҳаларини бирлаштириш орқали эришилди.
Аввалроқ палата спикери Нуриддин Исмоилов ва унинг ўринбосарлари Мавлуда Хўжаева ва Раҳимжон Ҳакимовлар сайлангани ҳақида хабар берилган эди.
Янги комиссиялар рўйхати
Бюджет ва иқтисодий масалалар қўмитаси — раис Шарофиддин Назаров;
Демократик институтлар ва фуқаролик жамиятини ривожлантириш қўмитаси — раис Гулрух Агзамова;
Инновацион ривожланиш ва ахборот технологиялари масалалари қўмитаси — раис Илҳом Абдуллаев;
Коррупцияга қарши курашиш ва суд-ҳуқуқ масалалари қўмитаси — раис Жаҳонгир Ширинов;
Тадбиркорлик, рақобатни ривожлантириш ва саноат масалалари қўмитаси — раис Бобур Бекмуродов;
Аграр ва сув хўжалиги масалалари қўмитаси — раис Равшан Мамутов;
Фан, таълим, маданият, спорт ва ёшлар масалалари қўмитаси — раис Нодир Жумаев;
Халқаро ишлар, мудофаа ва хавфсизлик қўмитаси — раис Улуғбек Шерматов;
Экология ва атроф-муҳитни муҳофаза қилиш масалалари қўмитаси — раис Хайрулло Ғаффоров;
Меҳнат, соғлиқни сақлаш ва ижтимоий масалалар қўмитаси.
