Тошкент шаҳрида янги чақириқ Олий Мажлиси Қонунчилик палатасининг биринчи ташкилий мажлисида спикерга янги ўринбосарлар сайланди, дея хабар бермоқда ЎзА.
Қонунчиликка мувофиқ, спикерининг ўринбосарлари сиёсий партиялар вакиллари кенгашининг тавсиясига асосан қуйи палата томонидан сайланади. Уларнинг сони, қоида тариқасида, 2 нафардан ошмаслиги кераклиги белгиланган.
Мажлисда ЎзЛиДеПдан сайланган депутат Мавлуда Хўжаева Қонунчилик палатаси спикерининг биринчи ўринбосари этиб кўрсатилди ва овоз бериш йўли орқали сайланди. У палатанинг Меҳнат ва ижтимоий масалалар қўмитаси раиси бўлиб ишлаб келаётганди.
Шундан сўнг, ЎзЛиДеПдан сайланган депутат Раҳимжон Ҳакимовни спикернинг ўринбосари этиб кўрсатилди ва овоз бериш йўли орқали сайланди. У 2022 йилда президентнинг ижтимоий-сиёсий ривожланиш масалалари бўйича маслаҳатчиси ўринбосари этиб тайинланганди.
Аввалроқ Ўзбекистон Олий Мажлиси Қонунчилик палатаси спикери лавозимига яширин овоз бериш йўли билан ХДП депутати Нуриддин Исмоилов қайта сайланганди.
Эслатиб ўтамиз, 2020 йилдан буён шу пайтга қадар Акмал Саидов биринчи ўринбосар, Актам Хаитов, Алишер Қодиров, Наримон Умаров, Борий Алихонов ҳамда Улуғбек Иноятов спикернинг ўринбосарлари сифатида ишлаб келаётганди.
