Футбол бўйича Ўзбекистон миллий терма жамоаси 2026 йилги жаҳон чемпионатига саралашнинг учинчи босқичи олтинчи турида КХДРни мағлуб этди. 19 ноябрь куни Лаосдаги нейтрал стадионда бўлиб ўтган ўйин 0:1 ҳисобида якунланди.
Бош мураббий Сречко Катанец шогирдлари ўйинни фаол бошлаб, кўплаб вазиятлар яратди, аммо гол биринчи бўлим охирига келибгина урилди. 44-дақиқада ярим ҳимоячи, Осиёнинг энг яхши ёш футболчиси Аббосбек Файзуллаев жарима майдончаси ташқарисидан зарба йўллади, тўп рикошет орқали рақиб дарвозаси тўридан жой олди.
Иккинчи бўлимда КХДР ҳисобни тенглаштириш учун бир неча имкониятларга эга бўлди, аммо голга айланмади. 83-дақиқада ҳимоячи Умар Эшмуродов жарима майдончаси ичида қўли билан ўйнади ва қизил карточка олди, пенальти белгиланди. Дарвозабон Ўткир Юсупов Шимолий Корея терма жамоаси билан биринчи ўйинда бўлганидек учрашувнинг 85-дақиқасида яна 11 метрлик зарбани қайтарди. У 89-дақиқада ҳам сейв амалга оширди.
Учрашув якунига кўра, Ўзбекистон 13 очко билан А гуруҳидаги иккинчи ўрнини мустаҳкамлади. Эрон 13 очко билан биринчи ўринда, бироқ ҳисобида битта ўйин бор.
Ўзбекистон кейинги саралаш ўйинини 20 март куни Тошкентда Қирғизистонга қарши ўтказади.
Таркиблар
Статистика
Видео
Фото
