Тошкент метросининг гавжум бўлган 9 та бекатида она ва бола хонаси ҳамда ҳожатхона қурилиши ҳақида хабар бергандик. Тошкент метрополитени «Газета.uz»га ушбу бекатлар номини маълум қилди.
Ҳожатхона қуриш учун ер остида жойлашган қуйидаги 9 та бекат танлаб олинган:
- «Буюк ипак йўли» бекати;
- «Амир Темур хиёбони» бекати;
- «Мустақиллик майдони» бекати;
- «Пахтакор» бекати;
- «Олмазор» бекати;
- «Беруний» бекати;
- «Чорсу» бекати;
- «Дўстлик» бекати;
- «Бодомзор» бекати.
Шунингдек, ҳозирги вақтда 4 та метро бекатда («Буюк ипак йўли», «Амир Темур хиёбони», «Пахтакор» ва «Беруний») қурилиши режаланган ҳожатхоналарнинг лойиҳа ҳужжатлари якуний босқичда бўлиб, қурилишнинг 1-босқичи бошланган.
Ҳожатхона қурилиши бошланган бекатларда шундай баннерлар пайдо бўлди.
2022 йилнинг февраль ойида пойтахт метрополитенининг «Чилонзор» бекатида синов тариқасида она ва бола хонаси ҳамда ҳожатхона ишга туширилган эди. Ноябрь бошида бекатларнинг бирида бир шахс ҳожатини чиқаргани акс этган видео тарқалган эди. Шундан сўнг тармоқларда метрода ҳожатхоналарни кўпайтириш борасида мунозаралар кўпайди.
