Шавкат Мирзиёев 23 ноябрь куни Тошкент шаҳрининг Янгиҳаёт туманида қурилаётган «Янги авлод» махсус саноат зонасига ташрифи чоғида бу каби лойиҳалар пойтахт учун муҳимлигини таъкидлади.
«Бу лойиҳалар бизга ҳаводек керак. Бунақа саноат зонаси ҳар бир районда иккита, учта, тўртта, бештадан бўлса, ана шунда Тошкент ҳақиқий, биз кутгандек саноат зонасига айланади. Агар инвесторларни „сиз“ демасак, биз мана шу 200 миллиард долларга [ЯИМ — таҳр.] чиқолмаймиз. Тошкент намуна бўлиши керак. Тошкент 10 миллиард доллар инвестиция қилиши керак», — деди давлат раҳбари.
«Ўзбекистон 24» телеканали сюжетида қайд этилишича, президент саноатни шаҳар марказидан олиб ташлаш ҳақида ҳам кўрсатма берган.
Хитойнинг China CAMC Engineering (CAMCЕ) компанияси Ўзбекистондаги ваколатхонаси раҳбари компания саноат зонаси инфратузилмасини қуриш ва унинг асосий инвесторларидан бирига айланишни режалаштираётганини айтди.
Президент матбуот хизмати CAMCE саноат зонасини бошқариши, инвесторларни жалб қилиши ва инфратузилмани ривожлантиришини ҳам хабар қилди.
Компания вакилининг айтишича, саноат зонаси озиқ-овқат, автомобилсозлик ва тўқимачилик саноати ҳамда электротехника маҳсулотлари ишлаб чиқариш соҳаларидан хитойлик инвесторларни жалб этишни режалаштирмоқда. Унга кўра, 40 дан ортиқ компания қизиқиш билдирган.
CAMCE ва «Янги авлод» саноат зонаси бошқаруви дирекцияси қўшма корхона ташкил этиш ниятида.
Хитойнинг JAC Motors компаниясининг Марказий Осиё бўйича директори Ю Аннинг айтишича, компания заводи саноат зонасининг 30 гектарида жойлашган бўлиб, йилига 50 минг микроавтобус ишлаб чиқариш қувватига эга бўлади. Илк маҳсулотларнинг чиқарилиши 2025 йилнинг иккинчи чорагига кутилмоқда. Лойиҳа қиймати 135 миллион долларга баҳоланмоқда.
Зона ҳудудида лабораториялар, илмий марказлар, конференция хоналари ва савдо майдончаларини ташкил этиш режалаштирилган. Шунингдек, дуал таълимга эга ўқув маркази яратилиб, саноат корхоналари учун мутахассислар тайёрланади.
Ҳудудда озиқ-овқат саноати, қурилиш материаллари ишлаб чиқариш, электротехника, машинасозлик ва кимё маҳсулотлари каби соҳаларда умумий қиймати 1 миллиард 375 миллион доллар бўлган 47 та лойиҳани амалга ошириш режалаштирилмоқда. Мазкур корхоналарда 12 мингга яқин янги иш ўринлари яратилиши кутилмоқда.
Президентнинг таъкидлашича, ҳудуддаги корхоналар етакчи халқаро брендлар билан ҳамкорликда ишлайди. DP World, JAC Motors, Krantas, Acec Japan, East Can Solutions, EAS и Evyap каби корхоналар экспортга йўналтирилган юқори қўшимча қийматли маҳсулотлар ишлаб чиқаришни режалаштирмоқда.
Президент февраль ойида дастлаб 664,5 гектар майдонни эгаллаши керак боʻлган «Янги авлод» махсус индустриал зонасини ташкил этиш лойиҳасини маʼқуллаган эди . Саноат зонасининг бошқалардан фарқи шундаки, ҳар бир гектар эгаллаган майдондан келиб чиқиб, иштирокчилар учун маҳсулот ишлаб чиқариш учун алоҳида шартлар белгилаб берилади.
Президент февраль ойида Тошкент шаҳри Янгиҳаёт туманида дастлаб 664,5 гектар майдонни эгаллаши керак бўлган «Янги авлод» махсус саноат зонаси ташкил этиш лойиҳасини тасдиқлаганди. Унинг бошқалардан фарқи шундаки, эгаллаб турган майдонидан келиб чиқиб, иштирокчилар учун маҳсулот ишлаб чиқаришда алоҳида шартлар белгиланади.
