Фарғона вилояти Қўштепа туманидаги каналга тушиб кетган Damas сувдан олиб чиқилди. Бу ҳақда Фавқулодда вазиятлар вазирлиги ахборот хизмати хабар берди.
Маълум қилинишича, 26 ноябрь куни соат 20:30 да туман ФВБга Хумдон маҳалласидан оқиб ўтувчи Жанубий Фарғона каналига автомобиль тушиб кетгани ҳақида хабар келиб тушган.
ФВВ қутқарувчилари зудлик билан айтилган манзилга етиб бориб, махсус техника ва қутқарув асбоб-анжомлари ёрдамида автомобилни каналдан чиқариб олган, дейилади вазирлик хабарида.
ФВВ репортажидан кадр.
Қайд этилишича, автомобилда ҳайдовчи билан бирга икки нафар йўловчи бўлган. Улар автомобиль сувга тушган вақтда ўз ҳаракатлари билан қуруқликка чиқиб олган.
